web counter
LEXO PA REKLAMA!

SHKARKO APP

App Store
Google Play

E fundit!

x

Debate te “Ekonomia”/ Braçe përplaset me Ahmetajn 

4 Shtator 2018, 10:09, Aktualitet CNA

Në mbledhjen e sotme e Komisionit të Ekonomisë, ku po shqyrtohet akti normativ për buxhetin 2018, ka pasur debate mes ministrit të Financave Arben Ahmetaj dhe deputetit socialist Erion Braçe.

Kreu i Komisionit të Ekonomisë, Erion Braçe ka deklaruar se  ka pasur një vonesë në lëvrimin e fondeve për bujqësinë dhe dikush duhet të japë llogari për këtë.

Po ashtu, Braçe tha se kërkon përgjigje për të gjitha pyetjet nga ana e ministrit, se si ka mundësi që të preken fondet e disa ministrive të rëndësishme siç është ajo e Bujqësisë dhe e Transportit.

?Pse ka vonesa në dhënien e fondeve? Unë po ju marr një shembull që Jugu i vendit ka pasur një situatë jo të zakonshme me shirat që kanë dëmtuar kanallet kulluese, si ka mundësi që ministria ul fondet për drejtoritë e bujqësisë? Nga ana tjetër ulen fondet për ministrinë e transportit, ka 8 muaj që në atë zonë investimet për mirëmbajtjen janë 0. Ka tetë muaj që nuk bëhet dot tenderi.?-tha ndër të tjera Braçe.

Nga ana tjetër kreu i financave ka deklaruar se investimet u rritën me 5.43 %, ndërsa në lidhje me Bujqësinë, Ahmetaj tha se ?Sa për dijeninë tuaj zoti Braçe fondi për Bujqësinë nuk është prekur fare përveç pjesës së BERZH?.





Lajmet e fundit nga