web counter
LEXO PA REKLAMA!

SHKARKO APP

App Store
Google Play

E fundit!

x

Dosjet e “nxehta” të Elisabeta Imerajt drejt asgjësimit?!

4 Shtator 2018, 09:20, Aktualitet CNA

Elisabeta Imeraj, në fillim të muajit Gusht, u emërua drejtuese e komanduar në krye të Prokurorisë së kryeqytetit, pas shkarkimit të Dritan Rreshkës nga procesi i Vettingut.

Imeraj është një nga prokuroret që hetonte ish-ministrin Saimir Tahiri.

Me largimin e saj grupi i Prokurorëve të rastit ?Tahiri?  u çmontua dhe pritet të shpërbëhet tërësisht, duke ditur se edhe prokurori tjetër Gentjan Osmani, është ende me një këmbë në Vetting, pas ankimit të Operacionit ndërkombëtar të Monitorimit.

Largimi i Imerajt nga Krimet e Rënda, edhe pse një nga prokuroret më të mirë të sistemit prokurorial, ka ngritur shumë dyshime.

Prokurorja Imeraj, është thuajse prokurorja e vetme në tërë sistemin, që ka simpatinë e Opozitës dhe Pozitës dhe për shkak të integritetit dhe profesionalizimit  që ajo ka treguar dhe sigurisht që meriton poste udhëheqëse.

Por pyetja shtrohet se çfarë do të ndodhë me dosjet e ?nxehta? që ajo ka pasur nën hetim?

Do të asgjësohen, do të shkatërrohen, do të mbyllen apo do të kalojnë në duart e ndonjë prokurori që merr urdhëra politik.

Për hir të së vërtetës, dosjet më të bujshme deri më tani kanë rezultuar flluskë sapuni.

Është bërë zhurmë, kanë reaguar mediat, opinioni publik dhe në fund gjithka ka rezultuar e kotë.

CNA.al do të sjellë në ditët në vijim edhe çështje konkrete ku prokurorët , pasi kanë bërë zhurmë, dyshohet se kanë sabotuar çështjen  për ti qëndruar besnik politikës, prej nga ku kanë marrë urdhërat.

Kujtojmë se Elisabeta Imeraj ka hetuar dosje të bujshme si ajo e Shullazit, Orest Sotës, të cilit iu gjetën 863 mijë euro në makinë, që sipas prokurorisë nuk justifikoheshin dhe kishin si adresë ish-ministrin Saimir Tahiri, dosjen e 9 imamëve të cilët janë dënuar për terrorizëm por edhe grupin e trafikantit ndërkombëtar të drogës Met Kananit, i njohur si ?Eskobari shqiptar?./CNA.al

 





Lajmet e fundit nga