E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Prokurori që e mban gruaja/ Zbardhet pasuria e kandidatit për Këshillin e Lartë të Prokurorisë

3 Shtator 2018, 10:48, Aktualitet CNA

Ka nisur sërish numërimi mbrapsht i orëve për gjyqtarët dhe prokurorët. Vettingu do të firmosë të ardhmen e tyre profesionale.

Deri më tani nga 45 gjyqtarë dhe prokurorë që kanë kalur në procesin e Vettingut, 21 prej tyre janë shkarkuar.

Pa llogaritur këtu ata që kanë dhënë dorëheqjen, pikërisht për të mos u përballur me këtë proces.

Nuk është pak shkarkimi i 21 gjyqtarëve dhe prokurorëve, por kjo shifër që pritet të rritet në ditët në vijim, flet për situatën e rëndë në drejtësi.

Pas ndërprerjes për shkak të pushimeve, Komisioni i Pavarur i Kualifikimit do të mblidhet më 6 shtator për të vijuar procedurën me gjyqtarët dhe prokurorët e radhës.

Në njoftimin e KPK-së, thuhet se seanca e parë për këtë sezon do të nisë me prokurorin e Prokurorinë pranë Gjykatës së Apelit Durrës, Bujar Hotin.

Hoti do të jetë në duart e trupit gjykues të përbërë nga Lulzim Hamitaj, Brunilda Bekteshi dhe Olsi Komici. Treshja në fjalë do të vlerësojë të shkuarën e tij, pasurinë por edhe aftësitë profesionale të prokurorit Hoti.

Ky i fundit është kandidat për Këshillin e Lartë të Prokurorisë dhe është në listën e parë prioritare.

Ndërkohë, nga 57 subjekte që janë në listën e parë prioritare, gjashtë kanë mbetur pa kaluar në filtrat e vetingut.

Procesi i rivlerësimit ka përfunduar për kandidatët për Këshillin e Lartë të Gjyqësorit, ndërsa kanë mbetur ende pa përfunduar rivlerësimit për kandidatët e Këshillit të Lartë të Prokurorisë.

CNA.al sjell pasurinë e deklaruar nga Prokurori Bujar Hoti, ku rezulton se të ardhurat më të shumta i ka falë bashkëshortes, noteres Albana Hoti.

Pavarësisht kësaj ashtu si të gjithë kolegët e tij ?të varfër?, prokurori Hoti rezulton me kredi.

Nuk mund të thuhet se degradimi i sistemit të drejtësisë ka ardhur pikërisht ngaqë i kemi të varfër gjyqtarët dhe prokurorët dhe pavarësisht kësaj kursejnë shumë, bëjnë pushime luksoze dhe jo vetëm.

Por, ajo që mund të thuhet me siguri, është se fatkeqësisht nëpër gjykata dhe prokurori, kemi njerëz të përfshirë në skandale, pa integritet, të dështuar profesionalisht, horra, të pamoralshëm, por të pasur.

Një situatë e tillë është pasqyruar gjatë procesit të deritanishëm të Vettingut, ku opinioni publik, çfarë s?ka parë dhe çfarë s?ka dëgjuar.

Pasuria e deklaruar nga gjyqtari Bujar Hoti

Të ardhura nga puna si prokuror (Prokuroria e Apelit Durrës),për vitin 2017,në shumën e të ardhurave bruto me gjithë detyrimet në vlerë 1.808.76

Shuma neto në vlerën 1.393.217 lekë

Shlyerja e detyrimeve nga kredia e deklaruar dhe në vitet e kaluara, në vlerën 1040.000 lekë,shlyer për vitin 2017, në vlerën 251.506.21 lekë

Shuma e shlyer deri me datë 31.12.2017,është 2 51.506,21 lekë.

Shuma e pashlyer,deri me datë 31.12.2017 në vlerën 518. 850 lekë.

Pasuria e bashkëshortes

Shitur automjeti ?NISAN JUKE”, në vlerën 7000 Euro.

Blerë automjjeti “Dahnler Chrysler”, viti i prodhimit 2008, në vlerën 7000 Euro.

Të ardhura nga puna,si notere,nga xhiroja e vitit kalendarik 1 janar deri më 31 dhjetor 2017, xhiro 7.889.500 lekë, me fitim në vlerën 5.222.293 lekë.

Shuma e të ardhurave neto 5.222.293 lekë.

Kredi bankare, datë 22.04.2016,deklaruar dhe vitet e mëparshme. Shlyer nga kjo kredi për vitin 2017,në vlerën 8.898,964,64 lekë

Shuma e shlyer, deri me datë 31.12.2017,është 923.867,641 lekë

Mbetur pa shlyer shuma 7.975.097 lekë.