E fundit!

21:36 Aktualitet

Dita e 26 e protestës/ Nis marshimi në rrugët e Tiranës

Protestuesit dhe në ditën e 26 të protestët kundër qeveris...

Brenda lidhjes si në filma të Gjikos dhe Elitës! Martesa, shtatzënia, surprizat: Detajet që vërtetojnë se reperi është bashkëshorti ideal

31 Gusht 2018, 21:10, Aktualitet CNA

Elita Rudi dhe Gjiko sot janë një nga çiftet më të dashur të showbiz-it shqiptar, një nga dyshet në të cilën shpesh publiku gjen historitë e dashurisë si në filma. Ata janë sa një çift romantik po aq edhe aventurier e ? i çmendur?.

Elita dhe Gjiko janë përfolur gjatë për lidhjen e tyre, edhe pse fillimisht edhe ata u përpoqën të mos e tregonin haptazi në publik. Gjiko i ftuar në emisionin e Elitës, na bëri të gjithëve të kuptonim se mes tyre kishte shumë kimi e që ky elektricitet mes tyre nuk vinte thjesht nga fakti që gjenin gjuhën e përbashkët në ekran por se mes tyre tashmë kishte lindur diçka.

I ftuar në emisionin ?Thumb?, teksa gazetarja e pyeti Gjikon se kush është moderatorja shqiptare të cilën ai e veçon nga të tjerat, rastësisht Gjiko përmendi emrin e vajzës me të cilën portalet thoshin se ishte duke përjetuar një romancë. Lidhja e çiftit u jetua jashtë syrit të mediave e si përfundim u pranua verën e kaluar, në Santorini. Ditën që Elita festonte ditëlindjen, të dy publikuan foto të përqafuar një shkrepje kjo e cila gjithnjë do të mbajë kornizën e ?ditës së shpalljes zyrtarisht çift?. Gjiko ishte pranë saj në çdo moment dhe ajo pranë tij në çdo koncert, gëzim apo mërzitje. Nuk munguan dedikimet plot dashuri, puthjet pasionante në skenë dhe Elita tregoi se nuk është thjesht e dashura për të por edhe një fanse e Gjikos, e muzikës që ai bën.

Momentet e tyre bashkë, aventurat, pushimet por edhe gëzimet, publiku i përjetoi si një dëshmitar i dashurisë së tyre deri në momentin kur sërish në një tjetër ditëlindje, Gjiko tregoi se është çun i surprizave të mëdha. Ditën që Elita bëri 25 vjeç Gjiko vendosi ta shënjonte si një nga ditët më të bukura të saj. I ulur në gjunjë në një festë surprizë ai i propozoi Elitës të kurorëzonin në martesë dashurinë e tyre duke i dhuruar kështu asaj një unazë fejese diamanti.

E në një kohë që kudo po shkruhej për çiftin që do të celebrohej, u bë publike edhe një datë për këtë martesë. Madje akoma dhe më shumë bujë bëri aludimi se çifti do të bëhej me fëmijë pasi Elita ishte në pritje të ëmbël. Fillimisht u shkruajt se dasma e madhe do të zhvillohej më 23 gusht, një datë kjo që më vonë u shty për muajin shtator. Megjithatë ende nuk ka një datë të saktë se kur do të ndodhë celebrimi, do na duhet të presim shpërndarjen e ftesave për ta zbuluar këtë. E rëndësishme është që çifti tashmë e ka vendosur se pjesën e mbetur të jetës duan ta kalojnë bashkë.

Përsa i përket lajmit të shtatzënisë ka ende dyshime edhe pse duke parë profilin e Elitës në Instagram vihet re se moderatorja e ka ndyrshuar disi garderobën e saj dhe ka filluar të vishet me një stil më të gjerë në prerje të veshjeve. Nuk ka më fustane të ngushta pas trupit por vetëm kombinime që fshehin disi barkun e rrulmbujllakosur. E sigurt është që Gjiko sërish do të dijë ta surprizojë gruan e tij të ardhshme. Këtë gjë e ka treguar që në fillim dhe me siguri do e dëshmojë edhe në dasmën e madhe. Gjiko dhe Elita nuk janë thjehst një çift më shumë në showbiz. AI është detajist i mrekullueshëm dhe aq i dedikuar sa të surprizojë në momentin e duhur, ndërsa ajo një vajzë me fat, e përkushtuar deri në limite ndaj partnerit të saj duke dhuruar mbrapsht të gjithë dashurinë e partnerit./