web counter
LEXO PA REKLAMA!

SHKARKO APP

App Store
Google Play

E fundit!

x

Ishin kthyer në tmerrin e banorëve/ Arrestohet 26-vjeçari, ndiqet penalisht një tjetër

31 Gusht 2018, 07:54, Aktualitet CNA

Policia e Fierit ka bërë të mundur arrestimin e një 26-vjeçari si dhe ka filluar procedimi poenal në gjenndje të lirë ndaj vëllait të tij.

Mësohet se në prang aka rënë shtetasi Ermir Azizi, 26 vjeç, banues në Poshnje, Berat (i  dënuar më parë për veprën penale “Prodhimi dhe mbajte pa leje e armëve dhe municionit luftarak”).

Gjithashtu ka filluar procedimi penal për shtetasin Irfan Azizi, 28 vjeç, banues në Poshnje, Berat (vëllai i Ermirit), i cili u arrestua një ditë më parë nga efektivët e policisë Elbasan për veprën penale “Vjedhje”.

Ndalimi i shtetasit Ermir Azizi dhe fillimi i procedimit penal për shtetasin Irfan Azizi, u bë për veprën penale “Vjedhje”, e kryer në bashkëpunim, e kryer më shumë se një herë, parashikuar nga Neni 134/2 i Kodit Penal.

Nga hetimet e kryera, dyshohet se shtetasit Ermir Azizi dhe Irfan Azizi (vëllezër),  në bashkëpunim me njëri-tjetrin, në datën 17.08.2018, në fshatin Kolonjë, Lushnje, kanë vjedhur automjetin tip “Benz” në pronësi të shtetasit E.N.

Nga kontrolli ushtruar në pikën e varrezeve  të automjeteve të quajtur “Azizi” në fshatin Poshnje, Berat, në pronësi të shtetasve Irfan dhe Ermir Azizi, është gjetur dhe sekuestruar automjeti tip “Benz”, në pronësi të shtetasit E.N, të cilin e kishin çmontuar në disa pjesë me qëllim shitjen e tij për pjesë këmbimi.

Materialet i kaluan Prokurorisë pranë Gjykatës së Shkallës së Parë Lushnje për veprime të mëtejshme proceduriale.





Lajmet e fundit nga