Skandal-Rama favorizon miqtë me tendera/ Miliona euro zhvaten nga buxheti i shtetit

29 Gusht 2018, 11:31, Aktualitet CNA

Partia Demokratike vijon të denocnojë aferat korruptive me tenderat, që sipas tyre bën qeveria shqiptare në kurriz të qytetarëve.

Në një deklaratë për mediat rreth mesditës së sotme, deputeti i PD, Flamur Noka ka akuzuar kryeministrin Rama se vijon të favorizojë biznesët e afërt me të, duke iu dhënë miliona euro nga buxheti i shtetit.

?Kompanisë së mikut të Ramës, Agron Papuli, siç provohet edhe në dokumentet zyrtare nga Agjencia e Prokurimit Publik në muajin korrik të këtij viti i është dhënë tenderi e rradhës. Bëhet fjalë për një tender me objekt ?qira operacionale automjetesh nga Policia e Shtetit, 1.8 milion euro.

Marrja me qera e makinave është korrupsion i pastër për të pasuruar financuesin e Edi Ramës, kjo sepse harxhohen miliona euro për makina me qera dhe makinat nuk i mbeten policisë, por i rikthehen përsëri mikut të Ramës. Kostoja e marrjes me qera të makinave është më e madhe sesa blerja e tyre.?-tha ndër të tjera Noka.

Sipas deputetit demokrat, shpenzohen miliona euro për makinat me qera dhe ato përsëri i kthehen Papulit, dhe nuk i mbeten Policisë së Shtetit.

Gjithashtu Noka tha se kostoja e qerasë së makinave është më e lartë sesa e blerjes.

Deputeti Noka, po ashtu u shpreh se Rama, duke favorizuar me tendera miqtë e tij, ka zhvatur 23.4 mln euro nga buxheti i shtetit.

Deklarata e plotë e deputetit Noka:

Edi Rama, po tregon çdo ditë se qëllimi i pushtetit të tij nuk ka qenë dhe nuk është qeverisja e shqiptarëve, por vjedhja dhe pasurimi i tij dhe i oborrtarëve të tij.

PD denoncoi një ditë më parë provën e dokumentuar se si qeveria e Edi Ramës, i ka dhënë baxhanakut të tij Armand Frangu, 41 tendera me vlerë 15.6 milion euro.

Ky nuk është rasti i fundit.

Sot, po bazuar në dokumente zyrtare, po denoncojmë faktin se si Edi Rama vijon të favorizojë një ndër binzesmenët e afërt të tij, duke i dhënë miliona euro nga buxheti i shtetit, me gjithë denoncimet e shpeshta publike.

Kompanisë së mikut të Ramës, Agron Papuli, siç provohet edhe në dokumentet zyrtare nga Agjencia e Prokurimit Publik në muajin korrik të këtij viti i është dhënë tenderi e rradhës. Bëhet fjalë për një tender me objekt ?qira operacionale automjetesh nga Policia e Shtetit, 1.8 milion euro.

Favorizimi me tendera muk ndalet vetem me makinat e policisë. Në dy vitet e fundit, nga kompania shtetërore OSHEE, kompanitë e preferuara të Ramës, në pronësi të Agron Papulit kanë përfituar 6 tendera, me vlerë 4.3 milion euro.

Ky është një korrupsion i paracaktuar dhe një akt korruptiv kriminal, pasi të gjitha specifikat e tenderave për makinat në qeverisjen e Edi Ramës janë përcaktuar nga vetë Agron Papuli duke pamundësuar garën për të tjerët.

Janë 127 tendera që i janë dhënë mikut të kryeministrit, Agron Papuli, që prej ditës që qeveris Edi Rama. Duke bërë një llogari të thjeshtë, rezulton se nga buxheti i shtetit për mikun e kryeministrit Agron Papuli, janë dhënë 17.3 milion euro.

1.8 milionë eurot e përfituara në korrik të këtij viti janë kësti i fundit i një politike arrogante të kryeministrit, i cili buxhetin e shtetit e shpërndan ekskluzivisht për familjen e tij, baxhanakun, miqtë e deputetëve të partisë si dhe për oligarkët që pastrojnë paratë dhe paguajnë tarifën tek kryeministri.

Por zullumi i kësaj qeverie s?ndalet së trashuri, prandaj klika e baxhanakëve, e miqve të gruas dhe e grave të miqve s?mund të mbijetojë gjatë.

Shqiptarët nuk do të lejojnë që Edi Ramës t?i jepet shansi ta privatizojë edhe buxhetin e vitit të ardhshëm.