web counter
LEXO PA REKLAMA!

SHKARKO APP

App Store
Google Play

E fundit!

x

Të shtëna me armë zjarri në Tiranë/ Identifikohet autori, arrestohet i plagosuri

29 Gusht 2018, 09:21, Aktualitet CNA

Një plagosje me armë zjarri është regjistruar  mëngjesin e datës 28.08.2018, rreth orës 02:00 në rrugën ?Tasim Shehu?, në Tiranë.

Një 30 vjeçar është plagosur  me një plumb në këmbë. Ai është Andi Spahiu, për të cilin fillimisht u tha se është plagosur nga një shok i tij.

Sot, policia  ka njoftuar se ka zbardhur ngjarjen e ndodhur mëngjesin e ditës së djeshme në kryeqytet dhe se ka identifikuarin si autor, shtetasin F. G. 28 vjeç,. Ndërka policia ka vënë nën arrest dhe të plagosurin, Andi Spahiu, pasi gjatë kontrollit në banesë iu gjetën dhe sekuestruan disa doza heroinë.

 Njoftimi i policisë

Pas një pune të mirëorganizuar hetimore identifikohet dhe shpallet në kërkim autori i dyshuar.

Gjithashtu arrestohet edhe shtetasi i plagosur A. S., për veprën penale të ?Prodhimit dhe shitjes së lëndëve narkotike?. Sekuestrohen disa doza me lëndë të dyshuar narkotike të llojit Heroinë.

Pas një pune të mirëorganizuar hetimore nga Specialistët për Hetimin e Krimeve të Rënda ndaj Jetës dhe Pronës është bërë identifikimi dhe shpallja në kërkim për veprën penale të ?Vrasje me dashje e mbetur në tentativë?, të autorit të dyshuar, shtetasit : – F. G., 28 vjeç, banues në Tiranë.

Ky shtetas më datë 28.08.2018, rreth orës 02:00, në rrugën ?Tasim Shehu?, për motive të dobëta ka tentuar të vras me armë zjarri shtetasin A. S., 30 vjeç, i cili ka mbetur i dëmtuar në këmbë dhe ndodhet jashtë rrezikut për jetën. Gjithashtu u arrestua për veprën penale të ?Prodhim dhe shitje lëndësh narkotike? shtetasi i plagosur : – A. S., 30 vjeç, banues në Tiranë. Gjatë kontrollit fizik të ushtruar këtij shtetasi iu gjetën dhe bllokuan në cilësinë e provës materiale disa doza me lëndë narkotike të dyshuar të llojit Heroinë. Materialet iu referuan Prokurorisë së Rrethit Gjyqësor Tiranë për veprime të mëtejshme./CNA.al





Lajmet e fundit nga