web counter
LEXO PA REKLAMA!

SHKARKO APP

App Store
Google Play

Pranimi i 20 emigrantëve/ Rama konfirmon marrëveshjen dhe i bën apel BE-së

27 Gusht 2018, 06:13, Aktualitet CNA

Kryeministri Edi Rama ka folur për herë të parë në parë në lidhje me marrëveshjen për pranimin e 20 emigrantëve nga Eritrea, të cilët zbarkuan një ditë më parë në portin e Catanias në Siçili.

Në një intervistë për Corriere della Sera, Rama është shprehur se do të bëjë për refugjatët të njëtën gjë që bëri Italia, kur në vend të eritreasve ishin shqiptarët.

Ndër të tjera Rama ka shtuar se Italia ka bërë shumë për Shqipërinë dhe Europën por për një kohë të gjatë është lënë vetëm.

I pyetur nëse Shqipëria do të marrë të tjerë emigrantë, Rama është përgjigjur se kjo nuk do të zgjidhte problemin, ndërsa thotë se shpreson që Europa të zgjohet dhe të bëjë pjesën e saj.

Më tej shefi i qeverisë ka thënë se kjo marrëveshje nuk u bë në shkëmbim të përshpejtimit të negociatave me BE-në, pasi në mes janë jetët e qënieve njerëzore.

Sipas tij, Europa duhet të unifikohet për problemin e emigrantëve, por nuk po e bën ende një gjë të tillë.

Në lidhje me marrëdhëniet mes dy vendeve, Rama është shprehur se kanë qenë gjithmonë të shkëlqyera, pavarësisht qeverive në të dyja anët e Adriatikut.

Shefi i qeverisë ka shtuar më tej se shqiptarët kanë ndihmuar gjithmonë popujt në rrezik, duke kujtuar këtu hebrenjtë gjatë luftës së dytë botërore, shqiptarët e Kosovës në 1999-ën apo 3 mijë iranianët të liruar nga burgjet e Irakut.

Përsa i përket progresit drejt BE-së, kryeministri ka thënë se është bërë shumë, megjithatë rruga është e gjatë, duke përmendur luftën kundër drogës, e cila sipas tij zgjat më shumë sesa seritë e serialit të njohur Italian ?Gomorra?. /CNA.al





Lajmet e fundit nga