web counter
LEXO PA REKLAMA!

SHKARKO APP

App Store
Google Play

E fundit!

x

Video- Marrëveshja për emigrantët/ Zv.kryeministri italian vlerëson Shqipërinë

26 Gusht 2018, 15:01, Aktualitet CNA

Shqipëria nënshkroi ditën e djeshme një marrëveshje me Italinë, për të marrë 20 emigrantë nga Eritrea, të cilët ndodheshin në bordin e anijes Diciotti, që ishte ankoruar në portin e Katanias në Siçili prej disa ditësh.

Ky veprim është përshëndetur nga krerët e politikës italiane, ndër ta edhe zv/Kryeministri Luixhi di Maio.

Ky i fundit nëpërmjet një lidhjeje live në rrjetet sociale, bëri një përmbledhje të zhvillimeve politike të javës së fundit, ku nuk la pa falenderuar Shqipërinë.

Në fjalën e tij, di Maio shprehet se Shqipëria është më shumë Europë sesa disa vendeve të BE-së. Ndër të tjera zv/kryeministri italian shton, se me këtë gjest, Shqipëria i dha një shuplakë morale dhe politike, të gjithë oportunistëve që thonë se duhen ndihmuar emigrantët dhe Italia, por në fund i përplasën derën në fytyrë.

?Në fund, pas 4 ditësh ia dolëm që të paktën të fitonim solidaritetin dhe mbështetjen e vendeve si Shqipëria, që vazhdon rrugën për të hyrë në Bashkimin Europian por që për mua është më tepër Europë se shumë prej kombeve që e kanë Bashkimin Europian. I dha një shuplakë morale e politike të gjithë atyre oportunistëve europianë që thonë se duhen ndihmuar emigrantët, duhet ndihmuar Italia dhe në fund na e përplasën derën në fytyrë?, u shpreh di Maio.

Ndërkohë Italia pas vendimit të Shqipërisë për marrjen e 20 emigrantëve, urdhëroi zbarkimin e tyre. Italisë i erdhi në ndihmë edhe Irlanda, e cila si Shqipëria, pranoi të merrte 20 emigrantë. /CNA.al





Lajmet e fundit nga