E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Mafia në Prokurori?/ Prapaskenat për të liruar Nezar Seitin

26 Gusht 2018, 12:54, Aktualitet CNA

Prokuroria e Durrësit ka pushuar hetimet për esktradimin e Nezar Seitit në Itali, i njohur ndryshe si ?financieri i Habilajve?.

Sikur të mos kishte ndryshime nga drejtësia e Katanias, ku po gjykohet Seiti, nuk do të ishte marrë vesh se çfarë ka ndodhur në Shqipëri me hetimet mbi ekstradimin e tij.

Gjykata e Katanias e la të lirë, Seitin, duke i ndryshuar masën e sigurisë, në arrest shtëpie, ndërsa Prokuroria e Durrësit që në muajin Qershor kishte pushuar hetimet, pavarësisht të gjitha parregullsive.

Se ka patur parregullsi në ekstradimin e Seitit, është pranuar edhe nga Prokurorja e Përgjithshme e përkohshme Arta Marku.

Kjo është pranuar, më herët nga Marku me anë të një njoftimi për mediat, ku fajësonte Prokurorinë për Krime të Rënda.

Por ish-kreu i kësaj Prokurorie Besim Hajdarmataj, me anë të një deklarate për mediat hodhi, poshtë versionin e Markut.

Ai tha se Prokuroria e Krimeve të Rënda ka njoftuar Prokurorinë e Përgjithshme në lidhje me mungesën e informacionin për procedurat e ekstradimit të Nezir Seitajt, që kishin nisur nga Ministria e Drejtësisë dhe Prokuroria e Përgjithshme.

?Nga verifikimet që kemi bërë ne si Prokurori e Krimeve të Rënda, rezulton se të dyja vendimet e Gjykatës së Krimeve të Rënda kanë qenë të depozituara në burgun ku gjendej personi në fjalë. Sigurisht, që ai nuk mund të ekstradohej?, ka thënë Hajdarmataj në kohën që udhëhiqte Krimet e Rëmda.

Pas përpasjes mes Prokurorisë së Përgjithshme dhe Krimeve të Rënda, rasti është diskutuar edhe në Kuvend. Madje kryeprokurorja e përkohshme, Arta Marku gjatë raportimit në komisionin parlamentar të ligjeve, më 11 qershor 2018, tha se hetimet po vijojnë nga Prokuroria e Durrësit.

Ndoshta ka dashur të thotë se hetimet do të mbyllen shumë shpejt nga Prokuroria e Durrësit, pasi përgjigjet e saj në pjesën më të madhe të pyetjeve të deputetëve, kanë qenë ?se di apo s?kam informacion?.

Kështu që pasi bëri sikur u përplas me Prokurorinë për Krime të Rënda, si dhe dhe urdhër për hetime, duket se gjeti momentin të rehabilitojë njëherë e përgjithmonë ?financierin e Habiljave?.

Dhe në fakt në media këto ditë është raportuar se hetimet janë mbyllur në fund të Qershorit dhe as prokurorja e përgjithshme e përkohshme Arta Marku, as Ministrja e Drejtësisë Etilda Gjonaj, dhe as prokurorë e gjyqtarë që kanë patu gisht në këtë çështje, nuk janë trazuar.

Edhe pse rasti kishte bërë bujë në opinionin publik, Prokuroria heshti ta njoftonte atë dhe u pajtua me trafikimin e drejtësisë. Sigurisht që nuk do të zbulonte hapur skandalet e saj.

Nëse do të vepronte ligji ashtu siç shkruhet e zeza në të bardhë do të ishin Krimet e Rënda që do të nisnin hetimet për kryeprokuroren Marku, ministren Gjonaj dhe të gjithë të tjerët të përfshirë në këtë rast.

Por miqtë dhe mikeshat nuk hetojnë njëri tjetrin, ata bëjnë të kundër mbulojnë skandalet e krimet e njëri ?tjetrit. Kjo është fytyra e mafias në Prokurorinë shqiptare.

Për hir të së vërtetës, po rezulton se Nazer Seitaj ka miq të fortë në Prokurorinë e Shqipërisë dhe sa të ketë ata, s?do ti hyjë gjemb në këmbë./CNA.al