web counter
LEXO PA REKLAMA!

SHKARKO APP

App Store
Google Play

“Bota, portokall”. Akuzuesja Asia Argento kthehet në të akuzuar

25 Gusht 2018, 10:03, Kulturë CNA

Bota është portokall, thonë, dhe Asia Argento këtë po e provon në kurriz. Aktorja e njohur italiane ishte një prej zërave më të fuqishëm kundër producentit të famshëm amerikan, Harvey Weinstein, të akuzuar nga një numër i madh femrash për abuzime të rënda seksuale.

Asia frymëzoi lëvizjen ?#Metoo? me faktin që bëri përpara e i tregoi botës sesi njeriu i fuqishëm i ?Hollywood?-it e kishte përdhunuar, duke luajtur kështu një rol të rëndësishëm në fundosjen e tij.

Por, tani është vet 42-vjeçarja, ajo që gjendet nën akuzë për të njëjtat veprime të turpshme.

Jimmy Bennet, sot 22 vjeç, thotë se Argento e ka sulmuar seksualisht kur ai ishte 17 vjeç. Ai pati interpretuar dikur në krah të saj, në filmin ?The Heart Is Deceitful Above All Things?.

Incidenti, ndërkohë, ndodhi majin e vitit 2013 në Kaliforni, në një dhomë të hotelit ?Ritz-Carlton?.

Asia vet ishte 37 vjeç atëherë. ?New York Times? arriti të shtijë në duar dokumentet e gjyqit, që tregojnë sesi ajo i ka paguar Bennetit 380 mijë dollarë për ta mbyllur këtë çështje në heshtje.

I riu, që sot është kthyer në roker, pretendonte në aktpadi se aktorja i ka dhënë alkool kur mbërritën në hotel, e më pas nisi abuzimi. Në muajin qershor, Weinstein u vetëdeklarua jofajtor ndaj akuzave të Argentos kundër tij, e vazhdon të mohojë çdo lloj intimiteti jokonsensual.





Lajmet e fundit nga