web counter
LEXO PA REKLAMA!

SHKARKO APP

App Store
Google Play

“Bomba” e Sheshel/ Bën thirrje për luftë, sfidon hapur politikën shqiptare

19 Gusht 2018, 16:36, Aktualitet CNA

Kreu i Partisë Radikale Serbe, Vojisllav Sheshel, i cili është dënuar me 10 vite burg nga Gjykata e Hagës për krime lufte, vazhdon me thirrjet e tij nacionaliste. Në një postim në rrjetet sociale, Sheshel, shkruan se Serbia duhet ta marrë me luftë Kosovën, sapo të largohen forcat e NATO-s.

?Në mënyrë që ta çlirojmë Kosovën dhe Metohinë, ne duhet që me forca të fuqishme ushtarake dhe policore të ndjekim të gjithë shqiptarët që nuk e njohin shtetin serb. Këtë nuk mund ta bëjmë ndersa NATO është atje. Ndërkohë, derisa presim që NATO të largohet dhe të vërsulemi atje, duhet që nën kontroll të fortë serb të mbajmë bile një pjesë të Kosovës?, ka shkruar Sheshel.

Madje Sheshel ka shkuar edhe më larg, duke thënë se Serbia duhet ta shtrijë zgjerimin e saj deri në Durrës. Ky qytet sipas tij, duhet të bëjë ndarjen mes Serbisë dhe Greqisë. Më tej Sheshel ka shtuar se Shqipëria e veriut është pjesë e trashëgimisë serbe.

?Nuk duam kurrëfarë demarkacioni me shqiptarët. Ne serbët duhet të bëjmë demarkacionin në Shqipëri me grekët, diku në rripin e Durrësit. Perandoria Austro-Hungareze e krijoi Shqipërinë si një shtet artificial, për të parandaluar Serbinë të dalë në det. Në Shqipërinë e Veriut, është trashëgimia jonë. Atje gjithçka është serbe, edhe toka dhe guri?, tha Sheshel në një postim në rrjetin social. /CNA.al

 





Lajmet e fundit nga