E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Plas në PD/ Xhelozia që shkatërroi kauzën serioze

18 Gusht 2018, 14:04, Aktualitet CNA

Pak kohë më parë, deputeti i Partisë Demokratike, Enkelejd Alibeaj, filloi një fushatë denoncimesh të njëpasnjëshme në drejtim të ministrit të Brendshëm Fatmir Xhafaj. Denoncimet kishin të bënin me Agron Xhafajn, vëllai i ministrit të Brendshëm, Fatmir Xhafaj, i cili ishte dënuar në itali për trafik të lëndëve narkotike.

Një kauzë e mirëorganizuar, ndoshta nga më seriozet pas ardhjes së Bashës në krye të PD-së, ndërsa më pas në skenë doli i ashtuquajturi ?Babalja?, duke bërë që të dështojë një nga të paktat denoncime serioze të PD.

PD publikoi një audio-përgjim, në të cilin pretendonte se Agron Xhafaj shfaqej duke bërë pazare droge. Deputeti i Lulit, Ervin Salianji, nga xhelozia se mos Alibeaj merrte më shumë merita para Lulit, solli audio-përgjimin e famshëm, duke rrahur gjoksin nëpër korridoret e PD-së, dhe duke bërë rolin e ?Heroit? të çështjes.

Por, ?Dëshmitari X, apo siç njihet ndryshe me emrin ?Babale?, tashmë e ka pranuar që e gjitha ishte një inskenim. E famshmja ?Audio-përgjimi Babale?, nuk bëri gjë tjetër vecse dështoi kauzën e PD-së.

Alibeaj dhe Salianji që prej ngjarjes së ?Babales? kanë marrëdhënie të tendosura dhe kudo sulmojnë njëri-tjetrin.

Ndërkohë ditën e djeshme, një tjetër denoncim serioz është bërë nga Partia Demokratike, sërish nëpërmjet deputetit Enkelejd Alibeaj.

Dje në një dalje për mediat, deputeti Alibeaj akuzoi kryeministrin Rama se ka future në parlament një nga anëtarët e bandës së Shullazit. Sipas tij, përgjimet kanë vërtetuar se deputeti socialist Jurgis Çyrbja është anëtar i bandës së Shullazit, por ky i fundit është në burg, ndërsa Çyrben e ka futur Rama në parlament, duke e bërë deputet.

Pas Alibeajt, sigurisht që nuk mund të mos mungonte sërish edhe reagimi i Ervin Salianjt. Në një dalje për mediat paraditen e sotme, deputeti Ervin Salianji ripërsëriti denoncimin ndaj deputetit Çyrbja. Pas reagimit të Salianjit, presim edhe dështimin e radhës. Ku i dihet se çdo na servirë kësaj radhe deputeti i video-skandalit erotik./ CNA.al