web counter
LEXO PA REKLAMA!

SHKARKO APP

App Store
Google Play

E fundit!

x

Mjeku braktis shëndetësinë e Rilindjes/ Si dështoi propaganda e qeverisë

16 Gusht 2018, 11:32, Aktualitet CNA

Rreth tre muaj më parë, kryeministri Edi Rama e nisi ditën duke shpërndarë në profilin e tij në rrjetet sociale, një video, ku tregonte rastin e një mjeku i cili kishte lënë Italinë, për të ardhur në vendin e tij të lindjes, për të punuar në spitalin rajonal të Korçës.

?Jam mjek kardiolog, mbarova studimet e larta në Itali, aty bëra specializim në kardiologji në Verona, nisa punë në Veneto për rreth 2 vite.

Në janar lexova një njoftim të MSH për vende vakante për mjekë në spitalet rajonale me bonuse dhe mendova të aplikoja se doja të punoja pranë familjes dhe miqve. Tani jam në fazën e ambientimit, por shpresoj të bëj ndonjë gjë të mirë për komunitetin tim dhe shëndetësinë?, ishte shprehur mjeku kardiolog Martin Mano në atë kohë.

Rasti i mjekut në fjalë në atë kohë u reklamua dhe u propagandua fort si nga kryeministri Rama, ashtu edhe nga Ministria e Shëndetësisë.

Por, Rilindja e shëndetit dhe shëndetësia falas e kësaj qeveria ka dështuar që në goditjen e parë.

Ajo që ka ndodhur është fakti se pas gati dy muaj punë, Martin Mano ka dhënë dorëheqjen e parevokueshme, duke braktisur spitalin e Korçës, dhe duke lënë me gisht në gojë Edi Ramën dhe propagandën e tij bajate.

Një mjek intelektual dhe profesionit, i shkolluar dhe përgatitur në perëndim, me shëndetësinë e Rilindjes shumë duroi edhe dy muaj.

CNA.al mësoi se doktor Martin Mano ka arsyetuar largimin e tij me mungesën totale të pajisjeve të nevojshme, por edhe atë çfarë ishte premtuar që do të investohej në Korçë për kardilolgjinë.

Mano duket se nuk ka gjetur mbështetje, nuk ka gjetur infrastrukturën e duhur. Pra, propaganda e Rilindjes ishte gënjeshtër, dhe nga një kardiolog ishte kthyer në një mjek familje që nuk bënte gjë tjetër vecse përcillte pacientët nga Korça drejt Tiranës, tek kolegët e tij.

Martin Mano në momentin e ardhjes në Korçë kishte dhjetëra oferta, në Tiranë, në spitalet private, por zgjodhi të shkonte në qytetin e tij të lindjes, që mesa duket kur ka parë gjendjen katastrofike të spitalit rajonal, ka dhënë dorëheqjen e parevokueshme.

Në linqet më poshtë janë videot e postuara nga Ministria e Shëndetësisë dhe kryeministri Rama në muajin maj 2018, ku propagandonin fort rastin në fjalë: / CNA.al





Lajmet e fundit nga