(Video) NASA përzgjedh pesë dizajnet më të mira për "shtëpitë" 3D në Mars

16 Gusht 2018, 07:32, Aktualitet CNA

Herët a vonë njeriu do të shkelë në Mars, nuk ka dyshime për këtë, por para se të vijë ky çast do të jenë të shumtë robotët që do të udhëtojnë për në planetin e kuq dhe një prej këtyre do të jetë në gjendje të prodhojë në mënyrë autonome module të banueshme.NASA ka përzgjedhur pesë dizajnet fituese në fazën e fundit të konkursit të saj të tretë për vendbanime, të cilat përfshijnë një bashkësi të moduleve 3D për planetin Mars.

Konkursi ftoi 18 grupet të krijonin vendbanime të qëndrueshme për një ekuipazh prej katër astronautësh në një mision në Mars, duke përdorur teknikat e ndërtimit të mundësuar nga teknologjia e printimit 3D dhe duke perdoruar material riciklues per te mbajtur planetin te paster.

Ekipet kishin për të dalë me një zgjidhje që trajton çështjet e transportimit të materialeve nga Toka në Mars, si dhe dallimet në atmosferë dhe peisazh në planetin e ri.Ideja ishte te dergonin nje robot ne Mars qe te printonte nje habitat ne momentin e ardhjes se austronauteve. Dizajni fitues perfshinte edhe nje kopesht per ushqim dhe oksigjen.Por vetem 5 ekipe arriten te fitonin.

I pari është projekti i paraqitur nga ?Zopherus?, një ide që lidhet me një super sondë të lëvizshme, në gjendje të zbresë në Mars dhe të përdorë këmbët e saj për të analizuar terrenin dhe të stampojë me teknologjinë 3D banesa modulare.

Në vend të dytë është projekti, edhe më ambicioz, i realizuar nga njujorkezja ?AI.SpaceFactory?, që paraqet një cilindër me shumë kate dhe një sistem kompleks mbrojtjeje nga kushtet ekstreme të planetit.

Në vend të tretë është ekipi ?Khan-Yates? me një model pak të ndryshëm që ka njërën anë krejtësisht të mubuluar nga dritare në formë hoje që mundësojnë të hyjë drita. Ndërsa forma gjatoshe mundëson që të ketë një rezistencë më të lartë nga stuhite e shpeshta dhe të fuqishme.

?SEArch+/Apis Cor? ka imagjinuar module pjesërisht të groposur, pra edhe më të qëndrueshme, të ndarë në dy ambiente kryesore.

Fituesi i fundit është ekipi i ?Northwestern University?, nga Ilinois, që mendon një sistem të integruar që vendos fillimisht pjesën e brendshme që fryhet dhe një guaskë të jashtme që stampohet me teknologjinë 3D duke përdorur materialet që gjenden në Mars.

Tani fillon faza e dytë e këtij konkursi, ku fituesit do të përpiqen të realizojnë këto projekte në madhësinë një të tretat duke shfrytëzuar teknologjinë e printimit 3D./CNA.al