web counter
LEXO PA REKLAMA!

SHKARKO APP

App Store
Google Play

E fundit!

x

Nga demokratët tek socialistët/ Ja deputetët që marrin miliona nga qeratë

15 Gusht 2018, 07:16, Aktualitet CNA

Deputetët e Parlamentit të Shqipërisë gjenerojnë miliona lekë të ardhura nga qeratë. Gazeta prej disa ditësh ka treguar detaje nga pasuria e tyre, ku ka emra me pasuri 2-3 milionë euro, ndërsa ka dhe nga ata që jetojnë vetëm me pagën. Por në bazë të deklarimeve që 140 deputetë kanë bërë pranë Inspektoratit të Lartë të Deklarimit dhe të Kontrollit të Pasurive, rezulton se 34 emra kanë dhënë objekte me qera. Shumica kanë lëshuar apartamentet me qera dhe marrin mijëra euro fitime. Ka të tjerë që kanë dhënë zyra e troje.

Nëse kalojmë te emrat e tjerë, Edmond Haxhinasto shprehet se ka përfituar të ardhura nga qeraja e apartamentit, 7.200 euro. Po ashtu edhe bashkëshortja e tij ka dhënë një apartament me qera 7140 euro. Një shifër shumë të lartë ka deklaruar dhe Aldo Bumçi. Ai është shprehur se ka marrë 36,400 euro. Nuk mbetet pas e dhe Halim Kosova. Ndwrsa Luan Baçi ka deklaruar qera nga 3 objekte, me fitime 153.000 lekë, 68.000 lekë dhe 204.000 lekë. Adnor Shameti në deklaratën pranë ILDKP shprehet se për vitin 2017 ka siguruar të ardhura sipas kontratës së qirasë më 19.04.2017 për njësinë me sip. 124.10 m2, 40 000 lekë/muaj. Dhe të ardhura sipas kontratës së qirasë më 15.09.2016 për ap. me sip 250 m2 në Tiranë, bodrumin me sip. 21.06 m2 dhe garazhin me sip. 12 m2, 2.000 euro/muaj. Deputeti që ka fituar më shumë nga qeratë është Astrit Veliaj, i cili ka deklaruar 30.078.396 lekë ose rreth 240 mijë euro, shkruan gazeta “SOT”.

Nuk mbeten pas as deputetët e Partisë Socialiste. Shumë prej tyre kanë nga disa apartamente dhe shumicën i kanë dhënë me qera. Bashkim Fino ka deklaruar të ardhura nga qeraja e apartamentit, 21.600 euro. Musa Ulqini të ardhura nga qiraja sipas kontratës dt. 18.11.2015, shuma 306.000 lekë. Eduard Shalsi të ardhura nga dhënia me qera e apartamentit, 9.453 euro. Ndërsa Fadil Nasufi ka deklaruar se bashkëshortja e tij ka fituar 90.000 lekë nga qeraja e dyqanit. Fidel Ylli është në krye të listës nga radhët e socialistëve për fitime, pasi ka marrë rreth 44 milionë lekë të vjetra. Me qera ka dhënë apartament dhe Ilir Beqaj, i cili ka përfituar 280.000 lekë.

Përfitime të larta nga qeratë ka deklaruar dhe deputeti i PDIU, Dritan Bici.

Ai ka deklaruar: Të ardhura nga qiraja e shtëpisë në Tiranë për periudhën 01.01.2006 – 01.08.2016, shuma 2 520 000 lekë; Të ardhura nga qiraja e shtëpisë në Tiranë për periudhën 01.09. 2016 – 31.12. 2017, shuma 320 000 lekë; Të ardhura nga qiraja e ap. për periudhën 10.09.2013 – 10.09.2014, shuma 452 100 lekë; Të ardhura nga qiraja e ap. për periudhën tetor 2014 – dhjetor 2014, shuma 990 euro; Të ardhura nga qiraja e ap. për periudhën 01.01.2015 – 31.12.2015, shuma 3 600 euro; Të ardhura nga qiraja e ap. për periudhën 01.01.2016 – tetor 2016, shuma 3 033 euro; Të ardhura nga qiraja e ap. për periudhën janar 2017 – dhjetor 2017, shuma 2 400 000 lekë dhe të ardhura nga qiraja e njësisë tregtare për periudhën janar 2012 – dhjetor 2017, shuma 2 190 000 lekë.





Lajmet e fundit nga