web counter
LEXO PA REKLAMA!

SHKARKO APP

App Store
Google Play

E fundit!

x

Luhet sot Superkupa Europës/ Ja çfarë duhet të dini për super finalen

15 Gusht 2018, 09:48, Aktualitet CNA

Sot në orën 21:00 direkt nga kryqyteti i Estonisë, Talin, do të luhet finalja e Superkupës së Europës, mes Real Madrid, fituesi i Champions League dhe Atletico Madrid, fituesi i Europa League.

Derbi i Madridit pritet të dhurojë shumë spektakël sot. Do të jetë një ndeshje e veçantë për shumë arsye.

Për herë të parë këtë sezon të ri, Reali do të zbresë në fushën e lojës pa Cristiano Ronaldon, do të jetë debutim për Julen Lopeteguin si trajneri i ri i Realit, po ashtu pritet të debutojë dhe portieri i ri i transferuar së fund nga Chelsea, Thibault Courtois.

Nga ana tjetër Diego Simeone ka rinovuar me disa nga yjet e ekipit si Griezmann, Godin, por nuk kanë munguar as transferimet e reja si Lemar nga Monaco etj.

Real Madridi, i cili nuk e humb një finale ndërkombëtare që nga viti 2000 (Intercontinental, kundër Boca, 1-2), ka pasur më shumë kohë në dispozicion për lojtarët e vet, që ushqejnë formacionin titullar.
Real Madridi, i cili ka fituar tri nga katër Superkupat e fundit, po kërkon titullin e pestë dhe të barazojë Barçën e Milanin në këtë drejtim.

Për Atlético Madrid do të ishte Superkupa e tretë, e dyta me trajner Simeone. Cili ekip i Madridit do të fitojë? Do na duhet të presim deri në darkë… /CNA.al





Lajmet e fundit nga