web counter
LEXO PA REKLAMA!

SHKARKO APP

App Store
Google Play

Mario Mandzukic largohet zyrtarisht/ Kjo është letra emocionuese

14 Gusht 2018, 12:51, Aktualitet CNA

Mario Mandzukic nuk do të luajë më me Kroacinë. Ai ka deklaruar sot tërheqjen nga ekipi kombëtar, ku luajti për 12 vjet, duke shënuar 33 gola në 89 ndeshje. Padyshim një nga lojtarët më të mirë kroat të dekadës së fundit.

Ai ka shkruar nje letër lamtumire të gjatë dhe mjaft emocionuese për fansat e tij.

“Të dashur fansa. Unë gjithmonë kam dashur që të flas në fushë sesa jashtë saj. Unë po largohem nga Kombëtarja e Kroacisë.

Sado që medalja e argjendtë më ka mbushur me energji, ajo edhe e ka bërë më të lehtë për mua marrjen e këtij vendimi të pamundur. Ne i kemi përjetuar ëndrrat tona, kemi arritur sukses historik dhe kemi ndjerë dashurinë e mrekullueshme të tifozëve. Jam i lumtur, i emocionuar dhe krenar për medaljen e argjendtë, për të cilën kemi luftuar për shumë vite, me shumë momente të punës, mundit e zhgënjimit.

Asnjëherë nuk ka kohë ideale për t?u larguar. Nëse do të mundeshim, atëherë besoj se të gjithë do të luanim për Kroacisë për aq sa të jetojmë sepse nuk ka krenari më të madhe. Por, ndjej se koha e duhur për mua është tani.

Askush nga ne nuk është perfekt, nganjëherë unë kam humbur mundësi të mira për të shënuar gol, e kam humbur topin dhe nuk i kam kuptuar pasimet e bashkëlojtarëve. Por, gjithmonë kam dhënë maksimumin dhe e kam lënë zemrën time në fushë. Faleminderit që e keni vërejtur këtë dhe që keni qëndruar pranë meje dhe skuadrës.

Që nga sot, unë do të jem me ju, me tifozët më të spikatur të Kroacisë”, shprehet Mandzukic. /CNA.al





Lajmet e fundit nga