E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Detaje dhe fakte/ Zbulohen prapaskenat e përplasjeve në Sarandë

14 Gusht 2018, 10:13, Aktualitet CNA

Ish-ministri i Drejtësisë, në qeverinë ?Rama 1?, Ylli Manjani ka reaguar në lidhje me përplasjet në plazhin e Kakomesë në Sarandë.

Në një postim në faqen e tij në rrjetet sociale, Manjani shkruan se përplasja e baorëve të Nivicës me policinë, është një lojë e pa sinqertë dhe me kosto për publikun.

Manjani publikon disa detaje dhe fakte që sipas tij vërtetojnë se të tre palët e përfshira luajnë me hile.

Manjani thekson se banorët e Nivicës nuk kanë qenë asnjëherë në shekullin që shkoi pronar të atij vendi që quhet Gjiri i Kakomesë.

?Asnjë dokument nuk provon pronësinë mbi tokën të asnjë banori atje. Autoritetet dhe gjykatat Shqipëtare e kanë theksuar në mënyrë të përsëritur këtë gjë.?-shkruan më tej Manjani.

Po ashtu ai shprehet se edhe ?Investitorët/ndërtuesit, pra parellinjtë gënjyen shtetin për kaq vite që aty do ndërtonin nje resort turistik.

Madje ky resort do kishte dhe emra të mëdhenj si Club Mediterranea.
Por hiç!

Mbi këtë gënjeshtër ata përfituan tokë me kontratë afat-gjatë qeraje, si fillim. Në vijim, pas një ligji të zi dhe të zbatuar për faqe të zezë, fituan dhe pronësinë mbi tokën me çmim ALUIZNI.?.

Ndër të tjera Manjani shkruan se as këta të fundit nuk janë pronarët e gjithë gjirit. ?Plazhi dhe aksesi në të janë publike!

Ata nuk mund të vënë tra/portë hekuri në mes të rrugës e as në mes të detit.?-shkruan Manjani.

Sipas Manjanit, ?Pushteti është pa dyshim hilanjosi më i madh. Dha një tokë publike për një qëllim të madh dhe nuk bëri asgjë për ta mbrojtur pronën kur ?qëllimi i madh? nuk u realizua.?.

Postimi i plotë:

Hiletë e Kakomesë
????
U bë rutinë kjo përplasja me policinë e banorëve të Nivicës.

Në fakt e gjithë kjo përplasje është një lojë hilanjose krejt e pa sinqertë dhe me kosto për publikun.

Banorët-investorët-(pu)shteti janë të tre palët që luajnë me hilé!

Qeveria e Zogut ju dha në PËRDORIM, pra jo në pronësi, pyjet dhe kullotat e asaj zone. Vetëm kaq!

Asnjë dokument nuk provon pronësinë mbi tokën të asnjë banori atje. Autoritetet dhe gjykatat Shqipëtare e kanë theksuar në mënyrë të përsëritur këtë gjë.

Ndaj pretendimi se po ju marrin tokat e të parëve është me hilé.
I pabazuar askund!

Banorët e Nivicës kanë të drejtë, pa dyshim, të përdorin plazhin njësoj si çdo qytetar tjetër nga Saranda, Tirana, Kukesi etj.

Madje ky resort do kishte dhe emra të mëdhenj si Club Mediterranea.
Por hiç!

Pra me hilé e kishin dhe parallinjtë!

Asgjë nga ato që premtuan të bënin, kur morën tokën publike, nuk bënë! Ca pllaka betoni të shpifura dhe një rrugë janë asgjë në raport me ç?premtuan dhe ç?përfituan!

Ndërkohë ata nuk janë pronarët e gjithë gjirit. Plazhi dhe aksesi në të janë publike!

Ata nuk mund të vënë tra/portë hekuri në mes të rrugës e as në mes të detit.

Maksimumi mund të rrethojnë pronën e tyre që kanë fituar me çmimin e ALUIZNIT. Kaq!

Nuk mund të ndalojnë dot aksesin e njerëzve as nga toka e as nga deti për në plazh.

Mori letrash, kontratash, lejesh me afate të tej-tejzgjatura u prodhuan, por asnjë rrjesht nuk ndaloi grabitjen e pronës publike.

Me hile e dha atë tokë me qera dhe po me hilé e shiti një pjesë të saj tek parallinjtë/investitorë.

Me hilé (pu)shteti pranoi transaksione parallinjsh megjithse investimi i premtuar dhe me emra të mëdhenj, që të gjithë do ishim dakort, NUK U BË!

Dhe po me hilé (pu)shteti çon policë për të mos lejuar aksesin në plazh. Kulmi!

Shteti na e ka të gjithëve me hilé, sepse nuk mbron pronën publike, por e shet e tjetërson si mall pa zot.

Pra të gjithë ja kanë me hilé njëri-tjetrit.

Puna është se një ditë të bukur, parallinjtë do hedhin (pu)shtetin në gjyq, sepse ky i fundit nuk garanton dot ?investimin? nga kërcënimet e banorëve dhe gjykatat vendosin dëmshpërblim!.

Këtë të fundit e paguajmë TË GJITHË NE!???

Kështu hileté e Kakomesë bëhen të hidhura për të gjithë!

Se as resorti do behet, as plazhi do pëdoret, as banorët nuk do kullosin dot delet, por vetëm publiku do PAGUAJË!