web counter
LEXO PA REKLAMA!

SHKARKO APP

App Store
Google Play

E fundit!

x

Çmenduria e propagandës së Rilindjes/ Justifikimi i vrasjeve të Xhafës

11 Gusht 2018, 16:04, Aktualitet CNA

Dje në Selenicë të Vlorës është regjistruar një masakër, ku mbetën të vrarë tetë persona, por ajo që bie në sy është përplasja, që po ndodh sot, në rrjetet sociale.

Edhe në faqen tonë, edhe nëpër rrjetet e tjera, vijnë me qindra komente, që në vend se të akuzojnë Qeverinë dhe shtetin për papërgjegjshmëri dhe mungesë funksionimi,  sulmojnë Sali Berishën dhe PD-në, duke thënë, se këto janë armët e 97 ?ës.

Duke u kthyer, kështu  21 vite mbrapa me akuza ndaj historisë politike të Shqipërisë.

Në fakt ngjarja ka ndodhur në 2018-ën, ku në pushtet është Partia Socialiste dhe Rilindja, timonin, komandat e të cilin i luan Edi Rama.

Për më tepër edhe Policinë e Shtetit e ka nën kontroll të plotë, ndaj përgjegjësinë për atë që ka ndodhur patjetër që e ka Qeveria.

Kudo mund të ndodhë në botë  që të dalë një i çmendur dhe të vrasë disa njerëz dhe  patjetër që do të ketë një reagim por kërkohet edhe përgjegjësi dhe analizë.

Nëse bëjmë një analizë të thjeshtë rezulton se kjo Qeveri është në pushtet, ndaj  është përgjegjësia e saj  për mosbledhjen e  armëve.

Së pari, edhe në qoftë se akuzon Sali Berishën për 97-ën, përgjegjësinë e ka kjo Qeveri që është në pushtet, se nuk i ka mbledhur këto armë. Nuk mund të justifikohen me të shkuarën.

Së dyti, propaganda që bëhet është e neveritshme. Në vend që t?i vënë gishtin kokës, të shikojnë problematikën, dhe ngjarjet e rënda, siç ishte aksidenti i Kamzës, vrasja në Shkodër apo tragjedia e Vlorës dhe të nxjerrin e të marrin përgjegjësitë konkrete, që nga maja e piramidës deri poshtë, Rilindja ka lëshuar call centerat dhe ca huliganë që mund të quhen banda online apo një bandë kriminale me propagandë.

Njësoj si me propagandën në kohën e diktaturës, që nuk bëjnë gjë tjetër,  por vetëm hedhin shashka, krijojnë debate, flluska sapuni dhe mbështesin Ministrin e Brendshëm si dhe i japin kurajo Qeverisë.

Njësoj si në kohën e Shokut Enver , kur këndoheshin këngë se sa të lumtur ishin njerëzit që jetonin në Pukë.

Shqiptarët janë të lumtur me Edi Ramën Kryeministër që i ka lënë pa bukë dhe Fatmir Xhafën, Ministër të Brendshëm, të cilit përditë i vriten njerëzit.

Propaganda e Rilindjes ose propaganda e diktaturës hoxhiste, në vend që të justifikohen me armët e 97-ës, apo me ?fajin e ka Saliun?, sot që kanë pesë vite në pushtet dhe në vend që të bëjnë analizën dhe të ndalin hienat e bandat online, nuk bëjnë gjë tjetër vetëm bëhen më të neveritshëm dhe më të pështirë.

Fakti,  se shqiptarët nuk kanë alternativë opozite, sepse nuk beosjnë tek Lulzim Basha, nuk e justifikon as propagandën e Rilindjes, as krimet që nuk i zbardh dot Fatmir Xhafa  dhe nuk i parandalon dot Policia e Shtetit dhe as propagandën e Edi Ramës dhe Rilindjes që sot qeverisin./CNA.al

 

 

 

 





Lajmet e fundit nga