web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja tragjike e Selenicës/ Deputeti demokrat tregon degradimin e shoqërisë shqiptare

11 Gusht 2018, 15:33, Aktualitet CNA

Deputeti i Partisë Demokratike për qarkun e Vlorës, Agron Shehaj, ka shprehur ngushëllime për familjarët e viktimave të masakrës së djeshme në fshatin Resulaj.

Në një postim në rrjetet sociale, Shehaj e ka lidhur ngjarjen me shprehjen e famshme  të filozofit të njohur Niçe: “Zoti vdiq. Zoti mbetet i vdekur.

Dhe jemi po ne që e kemi vrarë. Si do ta ngushëllojmë veten tani?”.

Me anë të kësaj shprehjeje, deputeti demokrat ka dashur të tregojë se shoqëria shqiptare e ka humbur moralin dhe besimin te zoti.

Postimi i plotë

Kur lexova lajmin rrënqethës të vrasjes së 8 personave për motive të dobëta më erdhi ndërmend një mendim i filozofit gjerman:

“Zoti vdiq. Zoti mbetet i vdekur. Dhe jemi po ne që e kemi vrarë. Si do ta ngushëllojmë veten tani?…”
F. Nietzsche.

Po percjell shprehjen e Nietzsche jo sepse ndaj të njejtin mendim, por sepse kjo shprehje shpjegon më së miri dramën e mungeses së besimit dhe të vlerave.

Filozofi i famshëm nuk e ka fjalën që Zoti vdiq “fizikisht”, por nënkupton humbjen e besimit të shoqërisë te Zoti dhe te morali i tij. Vakumi i krijuar nga kjo humbje dhe mungesa e një morali të ri, do jetë një tragjedi për shoqërinë sipas tij.

Mjerë të gjithë ata që mendojnë se mund të jetojnë në një shoqëri pa Zot dhe “pa moral”.

Të bashkohemi në ngushëllime dhe në lutje për t?u siguruar që ajo familje e copëtuar të ndjejë dorën e shoqërisë. /CNA.al





Lajmet e fundit nga