web counter
LEXO PA REKLAMA!

SHKARKO APP

App Store
Google Play

U filmua duke kërcyer në gjendje të dehur/ Pezullohet Shefi i Rendit

10 Gusht 2018, 18:06, Aktualitet CNA

Ditën e sotme një video e publikuar në rrjetet sociale, ku shfaqet Shefi i Rendit i Komisariatit të Policisë së Delvinës, P.Xh., duke kryer veprime jo etike pasi ishte i veshur me uniformën e Policisë së Shtetit si dhe në gjendje të dehur, ka tërhequr vëmendjen e të gjithëve.

Për këtë çështje ka reaguar Drejtori i Policisë Vendore Vlorë, me porosi të Drejtorit të Përgjithshëm të Policisë së Shtetit, i cili ka kryer pezullimin e menjëhershëm të tij.

Njëkohësisht Drejtori Përgjithshëm i Policisë së Shtetit ka urdhëruar Drejtorinë e Standarteve Profesionale për nisjen e hetimit disiplinor ndaj këtij punonjësi.

Njoftimi i policisë:

Policia e Shtetit

Në lidhje me një video të publikuar në rrjetet sociale, ku shfaqet Specialisti i Rendit në Komisariatin e Policisë Delvinë, P.Xh., duke kryer veprime jo etike pasi ishte i veshur me uniformën e Policisë së Shtetit, Drejtori Policisë Vendore Vlorë, me porosi të Drejtorit të Përgjithshëm të Policisë së Shtetit ka kryer pezullimin e menjëhershëm të tij.

Njëkohësisht Drejtori Përgjithshëm i Policisë së Shtetit ka urdhëruar Drejtorinë e Standarteve Profesionale për nisjen e hetimit disiplinor ndaj këtij punonjësi.

Policia e Shtetit falënderon cilindo që konstaton dhe denoncon raste të abuzimit me uniformën e Policisë apo me detyrën që ata kryejnë, duke premtuar një reagim të shpejtë e të paanshëm.

Policia e Shtetit është e vendosur për të ofruar qytetarëve një shërbim sa më cilësor dhe për të pasur një performancë sa më të mirë në komunitet dhe në këtë kuadër fton qyetarët dhe mediat të denoncojnë çdo rast në numrin pa pagesë 112, në aplikacionin “Komisariati Dixhital”, në numrin 0800 90 90 të SHÇBA, në faqet zyrate të Policisë së Shtetit dhe Ministrisë së Brendshme, apo në rrjetet sociale e mediatike.

 





Lajmet e fundit nga