web counter
LEXO PA REKLAMA!

SHKARKO APP

App Store
Google Play

E fundit!

x

Zvarriti çështjet gjyqësore dhe u la në detyrë?/ Dalin të palarat e Komisionit të Vettingut

9 Gusht 2018, 12:39, Aktualitet CNA

Edhe pse u konfirmua në detyrë nga Komisioni i Pavarur i Kualifikimit, procesi i vetingut nuk ka marrë fund zyrtarisht për gjykatësin e Gjykatës Administrative Gentjan Medja.

Operacioni Ndërkombëtar i Monitorimit, sot, ka kërkuar nga Komisioneri Publik, të kundërshtojë pranë Kolegjit të Posaçëm vendimin e KPK ?së.

Komisioneri Publik, thekson se pasi t?u jetë njoftuar vendimi me shkrim i Komisionit të Pavarur të Kualifikimit, do ta shqyrtojë atë krahas rekomandimit të vëzhguesve ndërkombëtarë.

Kujtojmë se Komisioni i Pavarur i Kualifikimit, më 1 Gusht 2018, konfirmoi në detyrë,  gjyqtarin e Gjykatës Administrative, Gentjan Medja.

Ndërsa, sipas raportit të ILDKPKI, deklarimi i pasurisë ka qenë i saktë.

Medja ka llogari bankare në vlerën 1 milion lekë, llogari e pagës si gjyqtar, rreth 1.1 milionë lekë, kursime familjare në vite ?cash? bashkë me prindërit. 1 milion lekë, ku zotëron 50%, autoveturë ?Benz?, blerë për 250 mijë lekë dhe nuk ka pasaktësi në këto llogari.

Përsa i përket pasurisë së prindërve, ata kanë një apartament 64 metra katrorë në Shkodër, 72 aksione të babait në vlera nga 75 mijë lekë.

Edhe në aspektin e  figurës, DSIK raportoi se ai ishte i përshtatshëm për vijimin e detyrës.

Probleme janë nënvizuar tek aftësimi profesional, pasi gjyqtari nuk ka respektuar afatet ligjore të çështjeve. KPK, ka konstatuar se i mungojnë procesverbalet dhe se  ka parregullsi në njoftimin e palëve.

Këto parregullsi, sipas gjyqtarit Medja kanë ndodhur për faktin se Gjykata Administrative në momentin kur u krijua u përball me fluks të lartë. Në këto rrethana, sipas tij, për t?i kryer të gjitha proceset ishte fizikisht e pamundur.

Por, pavarësisht këtyre parregullsive trupa gjykuese e kryesuar nga z. Roland Ilia, znj. Firdes Shuli relatore, znj. Xhensila Pine anëtare, vendosën ta linin në detyrë./CNA.al





Lajmet e fundit nga