E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vrau 17 shokë klase/ Rrëfimi tronditës i autorit të ngjarjes

8 Gusht 2018, 16:40, Aktualitet CNA

Nikolas Cruz, me gjysmë zëri dhe në ankth, insistoi se ?s?meritonte? një gotë uji, t?i lexoheshin të drejtat apo të jetonte pasi vrau 17 shokë klase dhe mësues ditën e Shën Valentinit në Parkland, Florida.

Pak orë pasi policia gjeti 17-vjeçarin duke u endur pranë shkollës, ai u ul në një dhomë rrëfimi dhe u kërkoi autoriteve ta vrisnin.
?Më vrisni. Thjesht më vrisni. Dreqin,? tha Cruz i vetëm në dhomë, kur hetuesi ishte jashtë duke marrë ujë për të.

Në një rrëfim 12 orë dhe 217 faqe të gjatë, Cruz foli me hetuesit për depresionin, familjen që e përulte, gjithë herët që tentoi të vriste veten dhe zërin e dhunshëm në kokë që i thoshte të ?vriste, digjte dhe shkatërronte.?

Prokurorët publikuan transkriptin e rrëfimit këtë të hënë, por faqet ku Cruz fliste për sulmin me armë në shkollë u redaktuan dhe nuk do të bëhen publike së shpejti. Videoja e takimit të Cruz me hetuesin John Curcio do të publikohet të martën.

Që në fillim, Curcios iu desh t?ia nxirrte me grep përgjigjet Cruz, i cili fliste me gjysmë zëri dhe e mbante kokën ulur. Cruz tha se s?mbante mend numrin e telefoni, ç?celular kishte apo adresën e shtëpisë ku banonte.

Pasi mohoi të merrej me drogëra, Cruz tha se bënte shumë gjëra ?që njerëzit s?i dinin?, si përshembull Xanax dhe marijuanë. Dy muaj para sulmit, pasi e ëma u nda nga jeta, Cruz tentoi të vriste veten duke konsumuar një sasi të madhe ibuprofenësh. Një natë, doli nga shtëpia vjedhurazi dhe bleu në farmaci shishe të tëra me ibuprofen dhe Advil.

Kur u pyet pse, ai tha se ishte ?i depresionuar për gjithçka?, sidomos për nënën që i kishte vdekur.

Para se e ëma të vdiste, ai tentoi të vriste veten duke pirë shumë alkool.

?Vetmia,? shpjegoi ai, duke konfirmuar se s?kishte shumë miq.

Më tej, Cruz shpjegoi depresionin e thellë, si u përjashtua nga shkolla prej notave të dobëta dhe sherreve, sa keq u ndje kur u transferua në një shkollë tjetër, raporton The Guardian.

19-vjeçari tha se e ëma ?e përulte? vazhdimisht dhe e quante ?të çmendur, budalla dhe të pavlerë.? Teksa hetuesi i bënte pyetje gjithnjë e më të thella, Cruz iu referua vetë vetes si ?budalla? dhe ?burracak? duke zbuluar se kur ishte i vogël donte të bëhej ushtar, por s?e kaloi dot provimin.

Në rrëfim, Cruz pranoi se kishte kryer një prej sulmeve më vdekjeprurëse në historinë e Shteteve të Bashkuara me një armë AR-15 të blerë ligjërisht dhe municion të blerë në internet.

Ai tha se e bleu armën për $560 në një dyqan armësh në Margate, Florida, sepse dukej ?e bukur? dhe ?kishte nevojë të ndihej i sigurtë?. Në total, ai tha se shpenzoi mbi $4,000 për armë dhe municion dhe shtoi se e ëma e kishte shoqëruar gjatë blerjeve.

Për vite me radhë, Cruz tha se torturohej përditë nga një ?zë i ligë? që u shfaq fill pas vdekjes së të atit në vitin 2005 dhe ?filloi të përkeqësohej kur e ëma u nda nga jeta?.

Kur zëri i thotë të ?djegë, vrasë, shkatërrojë,? Cruz u tha hetuesve se nuk i bindet, por ndonjëherë bën ç?i thotë, duke ndezur zjarre, vrarë kafshë e duke prerë veten.

Kur ishte 18 vjeç, ai bleu armën e tij të parë për të mbrojtur veten nga zëri dhe për ta mbajtur të ?zënë, që të mos bëjë ndonjë gjë.?

?Unë nuk mendoj se ke një zë në kokë, le të tregohem i sinqertë,? i tha Curcio gjatë pyetjeve, duke kërkuar një shpjegim mbi pse Cruz s?kërkoi kurrë ndihmë për demonin në kokë. ?Mendoj se ty të pëlqen demoni,? sugjeroi hetuesi. Pas kësaj, Cruz kundërshtoi menjëherë.

?Nuk më pëlqen demoni,? tha ai.

?Pse s?e ndalove pra?? vazhdoi hetuesi.

Një javë para masakrës në shkollë, 19-vjeçari tha se kishte planifikuar të shkonte në një park, edhe pse s?kishte zgjedhur një, dhe të qëllonte njerëz rastësisht, por ?s?donte ta bënte?.

Kur e pyetën pse nuk iu bind ?anës së keqe?, Cruz tha se nuk e dinte.

Natën para masakrës, Cruz tha se demoni iu shfaq në kokë kur po punonte.

?Ç?të thotë zëri?? e pyeti Curcio.

?Të lëndoj njerëz,? u përgjigj ai, duke shpjeguar se zëri ?është brenda tij.?

Mëngjesin tjetër, ai tha se zëri e udhëzoi të hipte në makinë bashkë me armët dhe të shkonte në gjimnazin nga ku u përjashtua.

?Është zë. Zëri është këtu brenda,? i tha ai hetuesit. ?Dhe pastaj është unë. Jam unë, që përpiqem të bëhem njeri i mirë.?

Zëri djallëzor shërbeu edhe si shok imaginar, tregon Cruz. Edhe pse ishte i ligë, Cruz e donte më shumë se familjen, që sipas tij e abuzonin psikologjikisht.

?Kam dikë në kokë me të cilin mund të flas,? tha ai.

?Pse do të jesh shoku i dikujt që të thotë të bësh gjëra të këqija,? pyeti hetuesi.

?Që të kem dikë,? u përgjigj Cruz. ?S?kam askënd.?

Curcio doli nga dhoma dhjetëra herë gjatë marrjes në pytetje. Kur ishte i vetëm në dhomë, Cruz pyeste me zë vazhdimisht ?Pse s?më vrau??

?Dua të vdes. Në fund të fundit, s?je asgjë veçse një plehrë e pavlerë. Meriton të vdesësh sepse je i pavlerë dhe i shkatërrove të gjithë. Dua të vdes,? tha ai në një dhomë bosh.

Pranë mesnatës, Curcio u kthye në dhomë i shoqëruar nga i vëllai i Cruz, Zachary Cruz, 18 vjeç. Kur erdhi momenti të largohej, 18-vjeçari i tha të vëllait, ?Të dua me gjithë zemër dhe e pyeti, ?A mund ta përqafoj dhe njëherë? Vetëm një herë. Vetëm një.?