web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për pastrim parash/ Ish-Kryeministri rrezikon burgun

8 Gusht 2018, 20:01, Aktualitet CNA

Problemet ligjore të ish-kryeministrit malajzian Najib Razak po shtohen, pas një skandali mashtrimi që kap miliarda dollarë, me një kompani në pronësi të ministrisë së Financave, e njohur ndryshe si 1MDB.

Ndaj Najib Razak u ngritën të mërkurën tre akuza lidhur me pastrim parash që përfshinin transferimin e 10 milionë dollarëve në llogaritë e tij personale nga një njësi e mëparshme e 1MDB-së, shkruan VOA.

Çdo akuzë mbart një afat burgimi prej 15 vitesh dhe një gjobë prej jo më pak se pesëfishi i shumës së vjedhur. Ai u deklarua i pafajshëm për secilën prej këtyre akuzave gjatë seancës të së mërkurës.

Muajin e kaluar 64-vjeçari Razak u akuzua me tre vepra të tjera penale për shkelje të besimit dhe një akuzë për korrupsion lidhur me skandalin e 1MDB-së. Për secilën nga këto akuza parashikohet një dënim maksimal prej 20 vjetësh. Edhe për këto akuza ai nuk e pranoi fajësinë.

1MDB u krijua gjatë kohës që Najib Razak ishte në detyrë. Sipas Departamentit amerikan të Drejtësisë gjithsej 4.5 miliardë dollarë janë përvetësuar nga fondi i investimeve, disa prej të cilave kanë hyrë në llogaritë bankare personale të ish-kryeministrit.





Lajmet e fundit nga