web counter
LEXO PA REKLAMA!

SHKARKO APP

App Store
Google Play

E fundit!

x

Erdogani dhe turqit sulmojnë shkollat shqipe

5 Gusht 2018, 10:03, Aktualitet CNA

Turqia po merr në kontroll sistemin arsimor në Shqipëri.

Presidenti turk Rexhep Taip Erdogan,  ka urdhëruar që fondacionet afër tij të blejnë shkolla në Shqipëri.

Fondacioni turk ?Maarif?, ka nisur tashmë blerjet e institucioneve arsimore në vendin tonë,  nën strehën e kundërpërgjigjes ndaj Fetullah  Gylenit.

Pas kalimit të disa institucioneve arsimore nga fondacionet e Gylenit në  vende të tjera,  tashmë  fondacione  të lidhura me  Presidentin turk, Erdogan,  kanë filluar të blejnë shkolla në Shqipëri.

Mësohet se janë hapur disa kopshte dhe po nxitohet në blerjen e shkollave të arsimit nëntëvjeçar.

Në këto kushte, në tetor pritet të ketë disa shkolla turke të kontrolluara nga Erdogani dhe njerëzit e tij.

Janë 6 shkolla,të paktën 4 prej tyre i ka blerë fondacioni turk ?Maarif?,  i lidhur me Erdoganin.

Gjithçka po bëhet larg syve të opinionit public, dhe me bekimin e Ministrisë së Arsimit.

Ekspansioni po vazhdon dhe duket se kjo është një betejë, që  ka gjunjëzuar Ministrinë e Arsimit përballë fondacioneve që vijnë nga Turqia, të cilët gjoja nën lojën e përplasjes me Gylenin , shtrijnë duart në institucionet arsimore në Shqipëri.

Ky është një rast për apel  ndaj prindërve, që të kenë kujdes në përzgjedhjen e shkollave për fëmijët e tyre. Pasi emri i shkollës mund të jetë gjerman apo britanik,  por nga pas fshihen fondacione turke./CNA.al





Lajmet e fundit nga