web counter
LEXO PA REKLAMA!

SHKARKO APP

App Store
Google Play

E fundit!

x

Kaliforni/ Zjarret shënojnë viktimën e shtatë

5 Gusht 2018, 08:24, Aktualitet CNA

Një tjetër person ka humbur jetën, duke u bërë viktima e 7 e zjarreve të furishme në Kaliforni, gjatë së shtunës, teksa disa vatra të reja u zgjeruan me më shumë se 25 për qind të hapësirës përgjatë natës dhe vijuan edhe gjatë ditës.

Zjarri i rënë rreth 261 km në veri të Sacramentos i mori jetën një punonjësi të një kompanie energjetike që merrej me shtrirjen e kabllove, të shtunën, edhe pse asnjë detaj mbi këtë vdekje nuk është bërë publik, as nga zëdhënësi i kompanisë, e as nga zyrtarët e qytetit apo zjarrfikësit.

Zjarret ?Carr?, ndër më shkatërrimtarët në historinë e Kalifornisë, kanë shkaktuar vdekjen e 6 personave, përfshi një stërgjyshe dhe dy fëmijë, një zjarrfikës dhe një operator buldozerësh, raporton Top Channel.

Këtë vit, zjarret e furishme në Kaliforni kanë shkrumbuar më shumë tokë në atë që konsiderohet si ?fillimi i sezonit të zjarreve? sesa zakonisht, sipas drejtuesit të Zjarrfikësve të Kalifornisë, Ken Pimlott.

?Sezoni i zjarreve është vetëm në fillim, por nga ajo që shohim në terren, duket sikur jemi në pikun e sezonit, po t?iu referohemi rasteve të tjera historikisht. Të tilla kushte po i shohim vërtet që në fillim të sezonit, ndaj dhe duhet të përgatitemi për gjithçka?, tha Pimlott.

Ndërkohë, guvernatori i Kalifornisë, Jerry Brown, i cili vizitoi disa zona të shkrumbuara të shtunën, tha se ?ky është një trend tashmë, një normalitet, ndaj duhet të përballemi me këtë situatë?.





Lajmet e fundit nga