web counter
LEXO PA REKLAMA!

SHKARKO APP

App Store
Google Play

E fundit!

x

Xhafaj në Shkodër/ Zbulon mesazhet e ambasadores së BE

3 Gusht 2018, 13:26, Aktualitet CNA

Ministri i Brendshëm, Fatmir Xhafaj dhe Drejtori i Përgjithshem i Policisë së Shtetit Ardi Veliu kanë zhvilluar një takim me strukturat e Policisë Vendore në Shkodër, ku edhe kanë bërë bilancin e një viti.

Në fjalën e tij para efektivëve të policisë, drejtori i Policisë Vendore Vehbi Bushati është shprehur se situata e kriminalitetit në qark ka pësuar ulje me 10% krahasuar me një vit më parë. Xhafaj dhe Veliu morën pjesë në inagurimin e pikës kufitare të Hanit të Hotit ku kanë përshëndetur hapjen e kësaj pike.

Vehbi Bushati theksoi se ?Situata e kriminalitetit në qark është nën kontroll, duke pësuar ulje me 10% krahasuar me 1 vit më parë. Janë kryer disa operacione dhe ndërhyrje në kohë të policisë për parandalimin e ngjarjeve me pasoja të rënda. Janë marrë masa për sezonin turistik, u ngrit stacioni i Thethit. Në qark ka pasur edhe ulje të ndjeshme të rasteve të kultivimit të kanabisit.?

Ndërsa, ministri Xhafaj ka shprehur vlerësim pozitiv për punën e struktuave të Policisë Shkodër, duke i sugjeruar masa shtesë për parandalimin e aksidenteve rrugore.

?Vlerësim pozitiv për punën e strukturave të Policisë Shkodër. Ju inkurajoj për gjithçka bëni, duke marrë parasysh vështirësitë që keni në punën e përditshme. Keni vlerësimin tim të veçantë për reagimin pas ngjarjeve të fundit, të cilat kanë rritur klimën e besimit të qytetatëve. Por duhet të merren masa shtesë për parandalimin e aksidenteve rrugore dhe menaxhimin e trafikut të rënduar për shkak të sezonit veror.?-tha Xhafaj.

Ndërsa në lidhje me hapjen e pikës kufitare të Hanit të Hotit, Xhafaj ka treguar lehtësimin që do kenë qytetarët me hapjen e kësaj pike.

Ministri ka treguar edhe një episod nga punimet, ku sipas tij, ambasadorja Romana Vlahutin i dërgonte mesazhe lidhur me afatet kur do përfundonte rruga. Hapja e kësaj pike, sipas Xhafajt do ta shpëtojë atë nga mesazhet e shumta në telefon.





Lajmet e fundit nga