web counter
LEXO PA REKLAMA!

SHKARKO APP

App Store
Google Play

KED drejt kolapsit/ Meta refuzon kërkesën e Ruçit për të rihedhur shortin

24 Korrik 2018, 08:25, Aktualitet CNA

Këshilli i Emërimeve në Drejtësi rrezikon të ketë fatin e Gjykatës Kushtetuese. Ky organ u zyrtarizua në dhjetor 2017, ku 9 anëtarët u zgjodhën me short nga të gjitha shkallët e gjyqësorit. Por ecuria e vetingut ka bërë që KED të gjymtohet. Momentalisht ky organ ka mbetur me 6 anëtarë, pasi 3 prej tyre u shkarkuan nga vetingu.

Bëhet fjalë për anëtarët: Besnik Imeraj, Altina Xhoxhaj dhe Gentjan Trenova. Por, brenda kësaj jave ky numër pritet të shkojë në 5 pasi drejt shkarkimit është dhe anëtarja Rovena Gashi, e cila po ashtu ka rezultuar me shumë probleme.-raporton gazeta Sot.

KED është një organ shumë i rëndësishëm, pasi ai do të bëjë  filtrimin e kandidatëve për Gjykatën e Lartë. Për socialistët mënyra për të zgjidhur situatën është të ripërsëritet shorti, pasi anëtarët e KED zgjidhen me short nga të gjitha shkallët e gjykatave dhe të prokurorive.

Personi që duhet ta bëjë këtë gjë është Presidentit i Republikës dhe për këtë arsye kreu i Kuvendit, Gramoz Ruçi i është drejtuar së fundmi me një shkresë Ilir Metës. Ai e ka informuar duke i thënë se KED ka mbetur me 6 anëtarë dhe duhet të hidhet shorti. Por Presidenti në përgjigjen e tij është shprehur se nuk është e nevojshme një gjë e tillë sepse ky organ e ka shumicën e votave dhe mund të funksionojë dhe me 6 anëtarë.





Lajmet e fundit nga