E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Skandali- Zbardhet skema korruptive/ Ministria e Arsimit “detyron” maturantët të zgjedhin Universitetet Private

24 Korrik 2018, 06:36, Aktualitet CNA

Konfederata e Sindikatave të Shqipërisë ka hedhur akuza të forta në drejtim të ministrisë së Arsimit, për të cilën thotë se me një skemë të mirëfilltë korrupsioni po favorizon universitetet private.

Në një deklaratë për mediat, KSSH thotë se ?Në gjimnazet elitare te vendit gjatë procesit të Maturës Shtetërore është ushtruar presion ndaj nxënësve nga mbikëqyrësit, e kjo ka ndikuar që shumë nxënës me rezultate të shkëlqyera të mos arrijnë të përqendrohen e të mos marrin rezultatet që kanë pritur, duke marrë nota më të ulëta, që nuk korrespondojnë me përgatitjen e tyre.?

Sipas KSSH, ?Këto maturantë numri i të cilëve është i konsiderueshëm do detyrohen që në shtator tu drejtohen universiteteve private, po kioskave Universitare siç njihen ndryshe për të vijuar degët në cilat shohin të ardhmen e tyre.?

KSSH shkon edhe më tej me akuzat e saj, ndërsa shprehet se ministria e Arsimit prej vitesh favorizon në mënyrë arbitrare Universitetet Private, sepse sipas tyre drejtues të kësaj Ministrie janë aksionerë në shumë universitete private të vendit.

Deklarata e plotë:

Lënia e procesit të Maturës Shtetërore në mëshirë të fatit nuk është një çështje që i përket rastësisë, por kemi të bëjmë me një skemë të mirëfilltë korrupsioni të Ministrisë së Arsimit, më synimin për të favorizuar Universitetet Private.

Në gjimnazet elitare te vendit gjatë procesit të Maturës Shtetërore është ushtruar presion ndaj nxënësve nga mbikëqyrësit, e kjo ka ndikuar që shumë nxënës me rezultate të shkëlqyera të mos arrijnë të përqendrohen e të mos marrin rezultatet që kanë pritur, duke marrë nota më të ulëta, që nuk korrespondojnë me përgatitjen e tyre.
Ndërkohë ndryshe është vepruar në gjimnaze të rretheve të vogla ose rrethinave, ku është kopjuar masivisht dhe shumë nxënës kanë marrë nota të pamerituara,e për rrjedhojë janë të favorizuar për të kapur degët e lakmuara në universitet.

Si pasojë e punës me dorë të hekurt gjatë procesit maturës shumë gjimnazistë në disa prej shkollave më të mira në vend si Shkodër, Tiranë, Durrës, Fier, Vlorë, Berat Korçë e Gjirokastër, nuk do mund të kapin pikët e duhura për të fituar degët e preferuara të tyre në Universitetin e Tiranës si Mjekësi, Farmaci, Financë, apo Drejtësi.
Këto maturantë numri i të cilëve është i konsiderueshëm do detyrohen që në shtator tu drejtohen universiteteve private, po kioskave Universitare siç njihen ndryshe për të vijuar degët në cilat shohin të ardhmen e tyre.

Janë më mijëra prindër e nxënës në mbarë vendin që kanë denoncuar ketë skemë pranë Konfederatës së Sindikatave.

Ministria e Arsimit prej vitesh favorizon në mënyrë arbitrare Universitetet Private, sepse drejtues të kësaj Ministrie janë aksionerë në shumë universitete private të vendit.
Rreth 40 mijë maturantë që iu nënshtruan provimeve të maturës u përballën me një proces të parregullt dhe aspak dinjitoz, e këtë e treguan edhe notat, ndër më të ulëtat ndër vitet e fundit.

Ministria e Arsimit ju kushton më shumë vëmendje aktiviteteve të LGBT dhe kampingjeve rinore në Jal, e tek Rana e hedhur, se sa maturantëve që janë e ardhmja e vendit.
Nesër do kemi mes nesh, mësues më të dobët, mjekë më të paaftë, ekonomist që s?dinë së ç është bilanci dhe juristë si ata të plepave.

Kjo situatë ka ardhur se mësuesit e nuk kanë kontratat kolektive dinjitoze e ligjore me sindikata qe i perfajqesojne ligjerisht, por i kanë ato me shoqata klienteliste që financohen nga Ministria e Arsimit.