web counter
LEXO PA REKLAMA!

SHKARKO APP

E fundit!

x

Ekspertë bavarezë në Shqipëri për trajnimin e policëve/ Veliu: Thellim bashkëpunimit

23 Korrik 2018, 20:14, Aktualitet CNA

Në Mynih të Bavarisë, delegacioni i Policisë së Shtetit, kryesuar nga Drejtori i Përgjithshëm Ardi Veliu u takua me Drejtorin e Policisë së Bavarisë, Wilhelm Schmidbauer.

Schmidbauer i cilësoi marrëdheniet e deritanishme si të shkëlqyera, ndërmjet Policisë shqiptare dhe asaj bavareze. Ai u shpreh se ky bashkëpunim ka qenë mjaft efektiv dhe theksoi rëndësinë që ka thellimi i mëtejshëm.

Në emër të Policisë bavareze ai u shpreh i gatshëm të ofrojë eksperiencën, asistencën dhe mbështetjen e plotë për Policinë e Shtetit përmes trajnimeve dhe duke sjellë ekspertë bavarezë në Shqipëri.

Drejtori Veliu vlerësoi ndihmën dhe eksperiencën e ofruar nga koleget bavarezë. Ai gjithashtu shtoi se Policia bavareze konsiderohet një model për Policinë shqiptare. Sipas tij, Bavaria e Gjermania janë partnerë strategjikë, ndaj shprehu vullnetin e plotë që kjo marrëdhënie mes policive të konkretizohet edhe në vijim me projekte të tjera.

Në mbyllje të takimit, Veliu ftoi Drejtorin e Policisë bavareze për një vizitë zyrtare në Tiranë, ftesë që u pranua me kënaqësi.





Lajmet e fundit nga