E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Hapja e negociatave/ Pas Llallës, media gjermane zbulon “kokat” e tjera që kërkohen

24 Korrik 2018, 07:33, Aktualitet CNA

Me kalimin e dosjes nga Prokuroria e Durrësit në atë të Krimeve të Rënda, janë thelluar hetimet për ish-kryeprokurorin Adriatik Llalla, i akuzuar për pastrim parash në vlera shumë të mëdha.

Ndërkohë që ditën e djeshme u raportua se prokuroria ka vendosur dje në sekuestro pasurinë e ish-kreut të organit të akuzës, Adriatik Llalla, Media gjermane ?Deutsche Welle?e konsideron goditjen e Llallës nga institucioni që ai drejtonte deri pak muaj më parë si ?një sinjal pozitiv që lufta kundër korrupsionit do të përfshijë edhe të ashtuquajturit ?të paprekshëm? apo ?peshq të mëdhenj?.

Por në shkrimin e ?Deutsche Welle? theksi nuk vendoset vetëm te procesi ndaj Adriatik Llallës, por kërkohet edhe godija e ish-pushtetarëve dhe pushtetarëve aktualë të cilët hedhin dhe presin akuza për korrupsion.

Pjesë nga shkrimi i medias gjermane:

Ish-Prokurori i Përgjithshëm Adriatik Llalla, nuk i është nënshtruar vettingut të prokurorëve. Para se të fillonte vetting-u ai deklaroi largimin vullnetar nga sistemi i drejtësisë. Por kjo nuk e pengoi drejtësinë që të mos e hetojë atë. Sekuestrimi i pasurive të patundshme është një sinjal pozitiv që lufta kundër korrupsionit do të përfshijë edhe të ashtuquajturit ?të paprekshëm? apo ?peshq të mëdhenj?. Është paradoks sesi për pesë vjet kreu i akuzës që duhet të drejtonte luftën kundër korrupsionit po hetohet ne bazë faktesh për korrupsion, pastrim parash dhe ka të sekuestruar pasuritë e tij të paluajtshme.

Hetimi i tij i paanshëm dhe profesionist është një gur prove për reformën në drejtësi. Llalla do të gjykohet nga gjyqtarë që kanë kaluar në sitën e vettingut. Nëse rasti i tij do të ndiqet edhe nga ish-pushtetarë apo pushtetarë aktualë për të cilët hidhen dhe priten akuza për korrupsion të pavërtetuara, që ndizen dhe fiken sipas politikës së ditës, atëhere do të ketë argumenta se Shqipëria po arrin rezultate domethënëse në luftën kundër korrupsionit. Me të tilla rezultate do të mund të binden pas një viti shtetet skeptike të BE, si Franca dhe Hollanda që Shqipëria ka bërë progres në atë shkallë sa meriton të nisë në qershor 2019, negociatat e pranimit në BE.