web counter
LEXO PA REKLAMA!

SHKARKO APP

App Store
Google Play

Greqia në flakë/ Kërkon ndihmë ndërkombëtare

24 Korrik 2018, 06:54, Aktualitet CNA

50 të vdekur, mbi 100 të plagosur, ndërtesa të dëmtuara, qielli i mbushur me tym, dhe njerëz që largoheshin nga zjarri me makinë është bilanci tragjik si pasojë e zjarreve masive në Greqi.

Mediat greke bëjnë të ditur se edhe 11 persona janë në gjendje kritike për jetën, ndërsa mes të plagosurve 16 prej tyre janë fëmijë.

Punonjësit e emergjencës kanë përdorur anije dhe helikopterë për të evakuuar njerëzit nga një plazh. Autoritetet po kërkojnë ndihmë ndërkombëtare.

Qindra zjarrfikës po luftojnë me flakët dhe disa njerëz kanë lënë shtëpitë e tyre për të shpëtuar. Një operacion kërkimi dhe shpëtimi po zhvillohet për 10 turistë që i ikën zjarrit përmes një varke, thonë zyrtarët.

?Ne do të bëjmë çfarëdo të jetë e mundur për ta marrë situatën nën kontroll,? tha kryeministri Alexis Tsipras. Ai ndërpreu udhëtimin e tij në Bosnje për të ndihmuar në koordinimin e situatës, të cilën zjarrfikësit e kanë përshkruar si ?jashtëzakonisht të vështirë?.

Shumica e viktimave ishin bllokuar në fshatin Mati, 40 km në veri-lindje të Athinës, dhe humbën jetën në shtëpitë apo makinat e tyre.

Qeveria ka kërkuar nga vendet evropiane për helikopterë dhe zjarrfikës shtesë për të ndihmuar në përballimin e zjarreve.





Lajmet e fundit nga