E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Fakte tronditëse/ Gjyqtarë dhe prokurorë miliarderë vetëm me 25 çështje

22 Korrik 2018, 06:58, Aktualitet CNA

Avokati Saimir Vishaj, kryetar i Shoqatës të Avokatëve Penalistë ka folur sa i takon reformës në drejtësi, në një kohë kur sot bëhen dy vjet nga miratimi i kësaj pakete.

Gjatë një prononcimi për gazetën ?SOT?, avokati Vishaj u shpreh i bindur se reformën në drejtësi e duan të gjithë.

Në këtë kontekst, ai theksoi se rezultatet e deri tanishme, madje spektakolare të vetingut, kanë nxjerrë në pah, fakte tronditëse për njerëzit e drejtësisë që kanë dominuar sistemin për 25 vjet.

Vishaj deklaroi senë asnjë vend të botës nuk ka gjyqtarë e prokurorë me pasuri të tilla.

Kështu që sipas tij, vetingu po jep pritshmëritë e tij.

?Reformën në drejtësi e donin të gjithë, qytetarët, avokatët, gjyqtarët etj. sepse të gjithë duan që ligji të sundojë në një shoqëri. Aktualisht po shikojmë gjyqtarë dhe prokurorë që janë maja e drejtësisë, që kanë nga 300 m2 apartamente që nuk i justifikojnë, që lozin loto sport, që kanë bono thesari. Por deri më tani kanë kaluar vetëm 25 çështje. Mendoni kur të kalojnë 800 gjyqtarë se çfarë do shikojnë sytë. Ka probleme. Sepse të gjithë e dinin që ky veting do ishte i ashpër por jo kaq i ashpër. Ndërsa sa i takon pjesës që je Gjykatës Kushtetuese dhe ke miliona lek kjo është problem tjetër pastaj, sepse këto janë çudira shqiptare pasi në asnjë vend të botës nuk ndodh që gjyqtarët dhe prokurorët të kenë kaq pasuri sa në Shqipëri?, deklaroi ai.

Por nga ana tjetër, Vishaj ngre si shqetësim faktin e zëvendësimit të kokave ?të prera? nga vetingu.

Për Vishajn do të ishte e udhës që paralelisht me shkarkimet të gjendeshin edhe zëvendësuesit e të larguarve nga sistemi i drejtësisë, në mënyrë që gjyqësori të mos futej në kolaps.

?Problemi është se reforma në drejtësi duhet që të ecte bashkërisht në një rrugë me kapacitetet e saj. Pra nëqoftëse ne do të kishim parashikuar që do të kishin kaluar 200 apo 300 gjyqtarë duhet të kishim gjetur zëvendësuesit. Nuk mundet që një ekip të futet në fushë me 11 lojtarë pa patur stolin e rezervave. Pra nuk ka ndodhur asnjëherë që në një shtet të mos ketë pushtet gjyqësor. Sepse në një shtet nuk është vetëm pushteti ekzekutiv apo legjislativ. Një shtet mbahet përmes tre pushteteve. Përmes atij ekzekutivit, legjislativit dhe gjyqësorit. Sot ne jemi i vetmi shtet në botë që nuk kemi një pushtet gjyqësor. Sepse drejtësia në Shqipëri realizohet nga Gjykata e Lartë, e Apelit dhe e Shkallës së Parë. Kështu e thotë Kushtetuta. Pa këto gjykata nuk ka drejtësi?, nënvizoi ai.