E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Sistemi gjyqësor i “mbytur” nga korrupsioni/ Zbulohet, se kush nuk e donte pastrimin e tij

22 Korrik 2018, 06:30, Aktualitet CNA

Ish-kreu i Shërbimit Informativ Shtetëror, Fatos Klosi ka komentuar ecurinë e reformës në drejtësi. Sot bëhen dy vjet nga ndryshimet kushtetuese, por sipas Klosit politika nuk e donte këtë reformë.

Gjatë një prononcimi për gazetën ?SOT?, ish-numri një i SHISH theksoi se procesi i deri tanishëm i reformës e më konkretisht vetingu është pozitiv, aq më tepër kur sipas tij, Komisioni i Pavarur i Kualifikimit ka nxjerrë me vërejtje krerët e dy shtyllave kryesor të gjyqësorit në vend, siç janë kryetari i Gjykatës së Lartë dhe kryetari i Gjykatës Kushtetuese.

Madje, duke iu referuar procesit të deritanishëm të vetingut, Klosi deklaroi se sistemi gjyqësor është sektori më i korruptuar në vend.

?Mua më bën përshtypje një gjë, që në procesin e kontrollit që po kalojnë figurat e rëndësishme të gjyqësorit, unë po shoh që ato komisionet që janë ngarkuar për këtë punë, kanë goxha vërejtje.

Kjo për faktin se po diskutohet për kryetarin e Gjykatës së lartë apo asaj Kushtetuese dhe anëtaret e kësaj të fundit.

Praktikisht dhe faktikisht po dalin ato që priteshin sa i takon sistemit të drejtësisë. Sistemi gjyqësor është sektori më i korruptuar në këtë vend. Pra edhe kaq sa është bërë deri tani, mua më duket se është pozitive. Natyrisht prisnim ritme më të shpejta, pasi po zgjat pak sepse ka gati dy vjet që nga miratimi i saj, por në thelb rezultatet janë pozitive?, deklaroi ai.

Ish-kreu i Shërbimit Informativ Shtetëror, Fatos Klosi vijoi më tej duke u shprehur se vetingu në sistemin e drejtësisë në Shqipëria ka nisur falë insistimit dhe presioneve ndërkombëtare. Për Klosin në kushtet kur politika nuk e donte vetingun, ishin pikërisht ndërkombëtarët, ata të cilët hodhën hapin e parë në këtë proces.

Sa i takon vetingut në politikë, ish-kreu i SHISH, Fatos Klosi deklaroi se ky proces është më i lehtë për t?u aplikuar, sesa ai në drejtësi.

Megjithatë, që të ndodhë kjo, Klosi u shpreh se gjithçka varet nga vullneti i krerëve të partive politike.