E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Basha në "panik"/ Harron zgjedhjet, vijon luftën kundër PD-së

22 Korrik 2018, 13:58, Aktualitet CNA

Pas dorëheqjes së ish-kryeministrit Berisha, prej korrikut të vitit 2013 drejtimin e partisë më të madhe opozitare në vend, Partia Demokratike e Shqipërisë, e ka marrë Lulzim Basha.

Por, me marrjen e drejtimit të PD-së, Basha ka treguar se qëllimi i tij kryesor është të ?zhdukë? partinë e idealeve të dhjetorit, të zhdukë opozitën.

Përveç faktit që aksionet e tij opozitare kundër qeverisë janë vetëm sipërfaqësore dhe këtë e ka treguar jo pak herë, një tjetër fakt që vërteton se Basha po shkatërron Partinë Demokratike, është përjashtimi i kundërshtarëve politik brenda partisë.

Basha e ka kthyer Partinë Demokratike në një parti interesash personale, që lidhen drejtpërdrejt me të dhe familjarët e tij, dhe për këtë arsye “eleminon” elementët kritik brenda partisë.

Por përveç largimit të demokratëve kundërshtarë, Basha po shkatërron PD-në, edhe në tentativat për shpartallimin e strukturave. CNA.al edhe më parë ka raportuar, për një urdhër skandaloz, që Basha e përdor për të kapur PD-në, por edhe për të shpartalluar strukturat e saj, duke larguar militantët dhe duke kapur partinë në forma qesharake.

Urdhëri i kryetarit të PD-së fillimisht zgjedh grupseksionet me një anëtar një votë dhe më pas seksionet. Në fakt duhej të ishte e kundërta, zgjedhjet duhej të bëheshin në bazën e piramidës, më pas në grupseksione e më tej në degë.

Por, bëmat e Bashës nuk përfundojnë me kaq. Sot në media qarkulloi edhe një tjetër lajm. Anëtari i kryesisë së PD, dega Dibër, Dritan Selishta është shkarkuar në mënyrë të papritur nga Lulzim Basha.

Lajmi u konfirmua edhe nga vetë Selishta, i cili nëpërmjet një postimi në faqen e tij në rrjetet sociale, shkruan se lajmin për shkarkimin nga detyra e ka marrë vesh nëpër kafene.

?Marr vesh neper kafene ,se une jam shkarkuar nga kryetar Grupseksioni ne Tomin, të Komanduarit e Lulzim Bashes ne degen PD Diber,te cilet nuk ishin te zotet te organizonin zgjedhje te lira e te ndershme per riorganizimin e strukturave te PD Diber ,te cilat ishin jetike per oksigjenimin e partise nga spiunat e sigurimit te shtetit, qe ja kane pire gjakun demokrateve te ndershem te Dibres ne keto vite Demokraci!?-shkruan Selishta në postimin e tij.

Ndërkohë që zgjedhjet lokale po afrojnë dhe Basha duhej të ndizte motorët, ai vijon luftën e brendshme kundër demokratëve kundërshtarë, duke treguar qartë se qëllimi i tij i vetëm është të mbajë karrigen e kryetarit./ CNA.al