E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

30 të vdekur nga temperaturat e larta, vendi në gjendje apokaliptike

22 Korrik 2018, 10:13, Aktualitet CNA

Më shumë se 30 njerëz kanë vdekur dhe mijëra të tjerë kanë shfaqur probleme shëndetësore si pasojë e një vale të të nxehtit që ka përfshirë Japoninë.

Temperaturat mbi 40 ° C kanë goditur zonat qendrore të vendit këtë javë dhe autoritetet paralajmërojnë se moti i nxehtë do vazhdojë dominim e tij edhe për ditë me radhë.

Në Tokio, ngrohja nxiti më shumë se 3,000 thirrje emergjente të mërkurën, një rekord për një ditë të vetme në qytet, ndërsa 300 vetë u shtruan në spital.

Një djalë gjashtë-vjeçar vdiq nga goditja e nxehtësisë të martën në Aichi, prefekturë qendrore e Japonisë, pasi ai kishte marrë pjesë në një studim në terren me shkollën e tij në një park.

Mainichi Shimbun, Takashi Yabushita, drejtor i shkollës fillore Umetsubo tha:

Gjykimi i jonë për temperaturat ishte i gabuar, i meritojmë kritikat. I kushtuam vëmendje kujdesit për parandalimin e vuajtjeve nga nxehtësia, u kërkuam nxënësve të pinë vazhdimisht ujë por me sa duket nuk ka mjaftuar.”

Temperaturat e lëkundshme po pengojnë gjithashtu përpjekjet për ndihmë në Japoninë perëndimore, ku përmbytjet vdekjeprurëse javën e kaluar vranë më shumë se 200 vetë.

Vala e nxehtësisë ka ngritur shqetësime në lidhje me mirëqenien e punëtorëve të shpëtimit, megjithëse deri më tani janë evakuuar rreth 4.700 njerëz.

Një zëdhënës i departamentit të menaxhimit të fatkeqësive natyrore tha:

Ne po veprojmë në kushte të rënda, vala e të nxehtit në këtë rajon po na e vështirëson punën.?

Këto lloj temperaturash kanë ngritur pikëpyetje rreth zhvillimit të Lojërave Olimpike në Tokio gjatë viti 2020, korrik-gusht, ku temperaturat shpesh tejkalojnë 35 grade Celsius.

Ekspertët kanë paralajmëruar rrezikun e goditjes nga i nxehti në Tokio, i cili është përshkallëzuar vitet e fundit.

Përveç nxehtësisë, problemi tjetër në Japoni është përmbytja në pjesën tjetër të vendit, ku situata është alarmante siç mund të shihet në fotot e mëposhtme.