web counter
LEXO PA REKLAMA!

SHKARKO APP

App Store
Google Play

Nuk falimenton "Top Channel", por shpëton Ledioni

9 Korrik 2018, 16:40, Aktualitet CNA

Sot mediat dhe rrjetet sociale diku nga pakujdesia, diku nga nxitimi apo nga dashakeqësia, diku edhe nga mirësia kanë përcjellë një lajm se Ledion Liço në një status të tij, pra dhëndrri i një prej pronareve në minorancë të Top Channel, Vjollca Hoxha kishte deklarauar se në televizion nuk kishte paga për një pjesë të stafit të tij.

Ai kishte thënë se ishte krenarë për ta dhe për punën ai do t’i paguante nga xhepi i tij. Pra për pjesën e punës që kishin kryer dhe nuk do t’ju paguhej.

Kjo ka pak rëndësi, pasi mediat raportuan se Ben Blushi kishte hequr Ledionin, ndërsa ky nuk ka ikur, Top Channel falimenton, nuk familenton, pagat nuk paguhen e të tjera si këto.

Në fakt gazetarët dhe mediat, ata që kanë punuar në Top Channel të gjithë e dinë se Top Channel nuk falimenton. Ai që mund të falimentoj është Ben Blushi, Ledion Liço, Vjollca Hoxha, aksionerët më në minorancë. Top Channel nuk mund të falimentojë kurrë sepse është ngritur në emrin e Dritan Hoxhës dhe është një ikonë.

Top Channel është një ikonë të cilën nuk mund ta failmentojë dhe nuk mund ta prishë dot askush. Maksimimumi që mund t’i bëjnë është ta gërvishtin. Por Top Channel mbetet Top Channel pavarësisht se sot mund të jetë në kuotat më të ulëta të tij historike për shkak të paaftësisë menaxheriale apo ndoshta të tjera problematikave.

Por kjo nuk do të thotë se Top Channel ka falimentuar, sepse Top Channel ka të tjerë aksionerë. Aksioner i Top Channel është publiku shqiptar përveç atyre që janë shumica e vërtetë dhe reale e aksioneve.

Janë shqiptarët të cilët e duan një televizion të vërtetë. Nuk duan një televizion të vogël, aq të vogël sa di ta bëjë Ben Blushi, ashtu siç bëri dhe partinë e tij ?Libra?. /CNA.al





Lajmet e fundit nga