E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kërkesa e Bashës për bashkëqeverisje/ Reagojnë socialistët

4 Korrik 2018, 07:43, Aktualitet CNA

Ditët e fundit ndërkombëtarët kanë shtuar dozën e thirrjeve që opozita dhe mazhoranca të ulen së bashku në tryezën e bisedimeve, me qëllim çuarjen përpara të reformave integruese. Sinjali më i freskët ka ardhur dy ditë më parë nga eurodeputeti Knut Fleckenstein dhe ambasadorja e Bashkimit Europian në Tiranë, Romana Vlahutin, të cilët përmes thirrje të tyre lanë të nënkuptohet se në horizont mund të kishte një marrëveshja të dytë Rama-Basha.

Nga ana tjetër edhe kreu i PD, Lulzim Basha në seancën e kaluar parlamentare ?i shtriu dorën? për bashkëqeverisje Ramës, nën pretekstin e bashkimit kombëtar, pavarësisht se ditën e hënë e mohoi gjatë një takimi që zhvilloi me të rinjtë demokratë.

Nga ana tjetër një kërkesë e tillë është bërë edhe nga deputeti Tritan Shehu, i cili në një studio televizive kërkoi qeverisje me bazë të gjërë. Edhe kreu i grupit parlamentar të PD, Edmond Spaho ka përsëritur kërkesën gjatë një interviste për një të përditshme.

Por, Partia Socialiste duket se i ka prerë shpresat Partisë Demokratike për një marrëveshje të dytë si ajo e 17 majit.

Fillimisht, ka qenë deputeti i PS, Flamur Golemi, i cili gjatë një prononcimi për gazetën ?Sot?, deklaroi se është kundër një marrëveshje të mirëfilltë si ajo e 17 maj, ku PD-ja zotëronte një pjesë të ministrive. Sipas tij, Partia Socialiste nuk do t?i japë mundësinë Partisë Demokratike për të penetruar drejt pushtetit.

?Në çdo rast do t?ia shtrijmë dorën e bashkëpunimit opozitës, por natyrisht që ne nuk mund të biem në batakun e dëshpërimit të saj për pushtet. Jemi votuar të qeverisim dhe të çojmë përpara reformat që përmirësojnë jetën e qytetarëve, zhvillojnë ekonominë dhe afrojnë vendin me Bashkimin Europian?, deklaroi ai.

Në të njëjtën linjë me kolegun Flamur Golemi, dje janë rreshtuar edhe deputetët e Partisë Socialiste, Bujar Çela dhe Andrea Marto. Gjatë një prononcimi të shkurtër për gazetën ?Sot?, Marto u shpreh kundër marrëveshjes PD-PS, teksa vuri në dukje se mazhoranca është votuar për të qeverisur, ndërsa minoranca për të bërë opozitë.