E fundit!

19:42 Aktualitet

Drogë në burgun e Veliajt

Këtë të enjte, në një nga qelitë e burgut të Durrësit, ësh...

Aeroporti i Rinasit rrjep shqiptarët e varfër

3 Korrik 2018, 18:15, Aktualitet CNA

Ka mjaftuar një firëm e hedhur në vitin 2004, nga ish kryeministri i asaj kohe, Fatos Nano, që aeroporti i vetëm i vendit, me popullsinë më të varfër të rajonit të vuajë për 14 vite me rradhë pagesën më të shtrenjtë të udhëtimeve nëpër vënde të ndryshme të botës.

Dhe këtu nuk bëhet fjalë për disa, apo pak cent më shumë për biletë se të ngjashmit e tij ballkanik, apo qoftë edhe europian, ku pagat janë qindra fish më të larta se në Shqipëri, por për diferenca stratosferike që e nxjerrin zbuluar rrjepjen e udhëtarëve.

Sepse nëse një udhëtar niset nga Tirana për në Romë, Viennë, Frankfurt, apo kudo tjetër do të duhen 200 deri në 700 euro për të mbritur ndër to, apo mbi 1000 euro për të shkuar në SHBA. Ndodh kjo kur, nëse nisesh në një nga aeroportet e vendeve fqinjë të Rajonit, kostoja del deri 10 herë më lirë.

Nga aeroporti i Shkupit, psh, mund të mbrish në Budapest apo kudo tjetër me vetëm 39.99 euro në momente ofertash dhe maksimalisht me 60 euro. Nëse preferon aeroportin e Selanikut mund të udhëtosh me rreth 60-70 euro, drejtë shumë destinacioneve të Europës, të ofruara nga kompani si ?Raya?, ?Euroëings? apo ?Vizier?.

Por ndodh e njëjta gjë edhe nëse preferon aeroportin e Prishtinës ku tarifat janë mjaft të ulëta. Me 40,50 apo 60 euro për biletë mbrin në shumicën e qyteteve të Italisë, Anglisë, Londrën, Francën, Zvicrës e kudo.

Tarifa shumë herë më të ulta gjen të ofrohen edhe nga shumë aeroporte italiane, gjermane, zvicerane, angleze, franceze etj.

Shihni fqinjin tonë verior Malin e Zi, i cili megjithëse është 5 herë më i vogël se Shqipëria, ka një aeroport me tarifa mjaftë të ulëta. Është kjo arsyeja që shumë qytetarë shqiptarë jo vetëm banues në zonën veriore të vendit, shpesh zgjedhin të udhëtojnë nga aeroporti i Podgoricës apo Prishtinës, ndërkohë që zona juglindore shpesh përdor aeroportin e Selanikut ku tarifat janë gjithashtu shumë më të ulta se Rinasi.

Është kjo arsyeja, pra filozofia e rrjepjes së udhëtarëve shqiptar që Rinasi është kthyer në destinacion luksi dhe përdoret më së shumti vetëm nga biznesmenët, hallexhinjtë, trafikantët e spekulantët që nuk u dhimbsën paratë ndaj dhe nuk ngurojnë tja falin ato një kompanie koncensionare që falë një spekulimi të bërë në vitin 2004, nga qeveria e kohës u ka lenë peshqesh shqiptarëve të varfër ?dopjo gjashtën? që u hollon kuletën sa herë u duhet të marrin udhët e Evropës apo ato të botës. /CAN.al