E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Hije dyshimi mbi pasurinë e ish-ministrit të Ramës/ Fshehu vilën një milion euro?!

3 Korrik 2018, 14:12, Aktualitet CNA

Pasuritë e qeveritarëve apo ish-qeveritarëve, nuk njohin kufij. Vetëm bazuar në deklarimet e tyre pranë ILDKPKI-së, duket se çfarë jete luksoze bëjnë zyrtarët apo ish-zyrtarët shtetërorë.

Ashtu siç paralajmëruam ditë më parë, CNA.al do të pasqyrojë një skandal që ka lidhje me pasurinë e një ish-Ministri të Edi Ramës, i cili ka qenë edhe pjesë e kabinetit të Qeverisë Berisha.

Bëhet fjalë për ish-ministrin , sot deputeti i LSI ?së Edmond Haxhinasto, pasi në verifikimet që i janë bërë deklarimeve të deritanishme të pasurisë, dyshohet të ketë fshehur një pasuri marramendëse.

Në deklaratat e pasurisë që nga viti 2003, të publikuara nga Open Spending Albania dhe në deklaratën e pasurisë, të para fillimit të detyrës dhënë në ILDKPKI me 6 tetor 2017, nuk gjejmë të deklaruar një vilë që ndodhet në Gjirin e Lalzit.

Vila e padeklaruar, ka një sipërfaqe banimi prej gati 400 metër katror dhe dyshohet se shkon rreth një milion euro. Vila luksoze, rrethohet nga një kopsht gjelbërues prej rreth 500 metër katror.

Sipas një përllogaritje, me përafërsi, në total vila sëbashku me truallin dhe gjithçka tjetër shkon afërsisht rreth një milion euro.

CNA. al, ka verifikuar të gjitha deklarimet e pasurive të ish-ministrit të Ramës dhe rezulton se në deklarimet e pasurisë, të paktën deri në deklarimin e datës 6 tetor 2017, nuk e ka deklaruar këtë vilë.

Për të qenë korrekt dhe transparent CNA.al kontaktoi me ish-ministrin Haxhinasto, i cili thotë se vila në Gjirin e Lalzit është në pronësi të vjehrrit të tij dhe për aq sa ka dijeni, është e shitur.

?Objekti që ju pretendoni se është në pronësinë time dhe i padeklaruar, në fakt është ndërtuar nga Kompania Lerenti, me aktivitet mbi 20 vjeçar në fushën e ndërtimit të blloqeve të apartamenteve dhe vilave në Durrës dhe në Tiranë, në pronësi të vjehrrit tim, zotit Kozma Nasto, e cila, në dijeninë time, ka kohë që është shitur, si qindra apartamente të tjera në zonën e plazhit?, ka thënë Haxhinasto, duke mohuar kështu pronësinë.

Por, nga të dhënat që ne kemi siguruar dhe dokumentuar me foto, vila është ndërtuar nga një tjetër kompani dhe jo nga kompania ?Lerenti?, që i përket vjehrrit të Haxhinastos.

Në fakt, sipas burimeve të CNA.al, vila, foton e së cilës po e publikojmë më poshtë, i përket Edmond Haxhinastos.

Ne kemi verifikuar se në atë vilë është parë vetëm Haxhinasto, është ai që u jep urdhërave bahçevanëve dhe kujdeset për vilën, ndërtimin e saj dhe gjithçka tjetër.

Gjithashtu as punëtorët dhe askush nuk e ka parë vjehrrin e tij. Është parë vetëm Haxhinasto me Toyotën e tij.

Për më tepër, kompania e vjehrrit të tij nuk ka marrë leje për të ndërtuar ndonjë resort në Gjirin e Lalzit. Kompania e cila Haxhinasto pretendon se ka patur në pronësi vilën, nuk ka marrë leje për të ndërtuar në zonën turistike të Gjirit të Lalzit, ndonëse ish-ministri vilën mund ta ketë vendosur në emrin e vjehrrit.

Resorti ku ndodhet vila e Edmond Haxhinastos është ndërtuar totalisht nga një tjetër kompani e cila ka leje zhvillimore për resort turistik në Gjirin e Lalzit.

Haxhinasto mohon të jetë vila e tij, ndërkohë të dhënat dhe nformacionet e siguruara nga terreni flasin ndryshe.

Më poshtë po sjellim foton e vilës në Gjirin e Lalzit./CNA.al