web counter
LEXO PA REKLAMA!

SHKARKO APP

App Store
Google Play

Artan Hoxha tregon 3 detajet që bëjnë diferencën në vrasjen e shoferit të Xhafajt

2 Korrik 2018, 20:23, Aktualitet CNA

Gazetari investigativ, Artan Hoxha i ftuar në studion e emisionit “Opinion” të gazetarit Blendi Fevziu, ka treguar 3 detaje që bëjnë diferencën, lidhur me vrasjen apo vetëvrasjen e shoferit të ministrit të Brendshëm Fatmir Xhafaj.

Ai u shpreh se, “Shkëlzen Qordja u kthye nga festa dhe u fut në Gardë, nga ku nuk doli më, dhe u gjet pas shumë orësh i vdekur. Askush nuk e ka parë, sepse shoferët e Ministrave askush nuk i sheh”.

Më tej ai tregoi dy detaje të tjera, si arma e ngjarjes, që sipas Hoxhës nuk është e tij por e shoqëruesit, si dhe mungesa e kamerave të sigurisë.

“Arma me të cilën është qëlluar i ndjeri, është arma e shoqëruesit, nuk është arma e shoferit. Ekspertët duhet të tregojnë se në ç’rrethana ka ndodhur ngjarja.

Në ato ambiente të Gardës, prej më shumë se një muaji nuk punojnë kamerat, për shkak se garda po zhvendoset. Brenda Gardës kamera sigurie nuk ka. Të vetmet kamera që mund t’i kenë kapur janë ato të dy bankave aty pranë”, – tha Hoxha. /CNA.al





Lajmet e fundit nga