web counter
LEXO PA REKLAMA!

SHKARKO APP

App Store
Google Play

E fundit!

x

Fakte/ Gazetarët paralajmëruan vrasjen e shoferit të Xhafajt?

30 Qershor 2018, 13:51, Aktualitet CNA

Në muajin shkurt të këtij viti, në Maminas  u sekuestrua 613 kg e 350 gram kokainë.  Sasia e kokainës u kap brenda një kamioni të ngarkuar me banane.

Droga u gjet gjatë kontrollit të ushtruar ndaj kamionit të ngarkuar me banane, porositur nga kompania Arbri-Garden, të cilat vinin nga Kolumbia, por droga nuk ka qenë e kamufluar në mes të bananeve siç bëjnë rëndom trafikantët, por në dyshemenë e dyfishtë të kamionit.

Në këtë kohë, gazetarët e kronikës lëshuan alarmin, se kjo ngjarje mund të pasohej nga ngjarje të tjera të rënda siç janë vrasjet.

Arsyetimi ishte  se kjo ngarkesë nuk mund të mbërrinte në vend pa një garanci shumë të madh dhe në këto rrethana dikush do duhet të paguajë dëmin.

Në fakt, sot Shqipëria është tronditur nga një ngjarje e rëndë. Shoferi i Ministrit të Brendshëm, Fatmir Xhafaj, është gjetur i vrarë me plumb në kokë.

Shkëlzen Qordja, 31 vjeç u gjet i vdekur në makinën e ministrit Xhafaj në garazhin e Gardës së Republikës.

Ende nuk dihet nëse kjo ngjarje ka lidhje me drogën e Maminasit, apo është vetvrasje siç dyshon Policia, por paralajmërimi i mëhershëm i gazetarëve të kronikës, është një këmbanë alarmi për isntitucionet sigurisë në vend.

Sjellim në vëmendje, se gazetari Artan Hoxha, gjatë një emisioni në RTSH, ndërsa ka folur për operacionin policor në Durrës, ka nënvizoi se kjo ngarkesë nuk mund të mbërrinte në vend pa një garanci shumë të madhe. Dhe në këto rrethana  sipas tij, dikush do duhet të paguajë dëmin.  Thënë ndryshe, grupet kriminale, sipas Hoxhajt, do të eleminojnë ata që dolën garant.

?Duhet të kemi parasysh se kur lëviz një sasi e tillë nga burimi fillestar drejt tergut final që është BE, tregu më i pasur në botë, ka patur një garanci shumë të madhe. Garantët kur kapet një sasi kaq e madhe kanë pasojat sepse dikush do ta paguajë dëmin që është shkaktuar. Në pamundësi për tu kthyer paratë si granci në këto raste grupet kriminale eleminojnë personat që kanë dalë garantë. Në rastin e vitit 2014 menjëherë pas kapjes së kokainës në Malin e Zi, në Tiranë ndodhën tre dhe mes ture u vra nje bankier i nivelit të dytë. Uroj që autoritetet tona të kenë mundësi që parandalojnë goditje të nivelit të lartë. Një ngarkesë e tillë nuk lëviz pa një garanci shumë të fortë. Deri ku shkon garancia kjo është pjesë që duhet ta zbulojnë autoritetet dhe nuk dua të spekuloj?, ka thënë Hoxha më herët./CNA.al





Lajmet e fundit nga