web counter
LEXO PA REKLAMA!

SHKARKO APP

App Store
Google Play

Xhafaj thyen heshtjen/ Reagon për vrasjen e shoferit

30 Qershor 2018, 13:10, Aktualitet CNA

Ministri i Brendshëm, Fatmir Xhafaj ka reaguar pas lajmit për vrasjen e shoferit të tij Shkëlzen Qordja.
Në një postim në faqen zyrtare të Ministrisë së Brendshme, Xhafaj shprehet se ?Jam i shokuar dhe nuk gjej fjalë të ngushëlloj prindërit dhe gjithë familjen e Shkëlzenit për humbjen tragjike të jetës së tij.?

Gjithashtu Xhafaj thekson se ?Nuk kam asnjë koment për rrethanat e ndarjes së tij nga jeta, sepse prokurorët dhe ekspertët përkatës po punojnë ndërkohë për sqarimin e tyre.?

Reagimi i ministrit Xhafaj:
Reagim i Ministrit të Brendshëm Fatmir Xhafaj
Jam i shokuar dhe nuk gjej fjalë të ngushëlloj prindërit dhe gjithë familjen e Shkëlzenit për humbjen tragjike të jetës së tij. Kjo ngjarje e rëndë ka shkaktuar një dhimbje të fortë njerëzore për mua dhe për të gjithë ata që punuan dhe e njohën nga afër atë.
U prefsh në paqe, i dashur Shkëlzen!
Nuk është dita sot për mua, që të bëj politikë dhe as e ndaloj dot që politika të vazhdojë të merret me mua sot.
Kam humbur krejt papritur një njeri të afërt, i cili si dhe gjithë familja e tij, ishte bërë si pjesë e familjes sime.
Nuk kam asnjë koment për rrethanat e ndarjes së tij nga jeta, sepse prokurorët dhe ekspertët përkatës po punojnë ndërkohë për sqarimin e tyre.
Nëse nuk kam sesi u kërkoj hienave politike të mos sulen mbi të vdekurin. U lutem mediave që kanë sadopak ndjenjë njerëzore të respektojnë dhimbjen e prindërve, vellezërve, të afërmve e miqve të tij.
Ai ishte një djalë i shkëlqyer, një punonjës i papërtuar e fjalëpak, që la një boshllëk të madh pas vetes dhe nuk e meriton në asnjë mënyrë përbaltjen.
Faleminderit paraprakisht, kujtdo që do ta konsiderojë këtë apel njerëzor!





Lajmet e fundit nga