E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

Opozita skenar për të rrëzuar Reformën në Drejtësi/ Kërkohet “koka” e Arta Markut

28 Qershor 2018, 09:01, Aktualitet CNA

Partia Demokratike dhe Lëvizja Socialiste për Integrim rrezikojnë të hedhin në erë të gjithë Reformën në Drejtësi.

Pak ditë më parë u raportua që PD dhe LSI po mendojnë si të bojkotojnë zbatimin e reformës në drejtësi, ndërsa sinjalet për një gjë të tillë i kanë dhënë edhe ditën e djeshme.-raporton gazeta Sot.

Dy janë momentet që opozita mund të shfrytëzojë për tu bërë pengesë e reformës në drejtësi dhe funksionimit të organeve të reja. Momenti i parë është rishikimi i ligjeve të paketës së reformës në drejtësi të rrëzuara nga Gjykata Kushtetuese. Në janar të vitit 2017 PD iu drejtua Gjykatës Kushtetuese, ku kërkoi që të rrëzohej ligji për organet e reja në sistemin e drejtësisë. Mirëpo ajo e pranoi pjesërisht kërkesën e PD, duke rrëzuar vetëm 5 nene nga ligji, dhe më konkretisht nenin 61 dhe 159 që kanë të bëjnë drejtpërdrejtë me funksionimin e KLGJ dhe KLP. Por edhe pse ka kaluar një vit nga rrëzimi i këtyre neneve, gjithçka vijon të jetë e bllokuar, për faktin se deri më sot nuk është ndërmarrë asnjë hap nga palët politike për të ndryshuar këto nene.

Momenti i dytë që mund të shfrytëzojë opozita është kalimi i propozimit të mazhorancës që Këshillit të Lartë të Drejtësisë dhe prokurorisë t?i rikthehen kompetencat për emërimin e gjyqtarëve dhe prokurorëve.

Për të dyja këto çështje duhet konsensus politik, por dje nënkryetari i LSI, Luan Rama paralajmëroi se një gjë e tillë nuk do të ndodhë. Gjatë një prononcimi mediatik, ai i vendosi dy kushte mazhorancës: largimin e kryeprokurores së përkohshme, Arta Marku, si edhe shkrirjen e komisioneve të vetingut. ?Vetë reformat e mëdha kanë nevojë për një konsensus të gjerë politik. Ne jemi të gatshëm, hajde të kthehemi të korrigjojmë gabimin e bërë me emërimin në kundërshtim me Kushtetutën të Prokurores së Përgjithshme në detyrë dhe mbi këtë bazë të punojmë dhe ndërtojmë tërë sistemin duke korrigjuar shumë defekte dhe mangësi për të bërë të mundur që ai të jetë funksional?, tha Luan Rama.