web counter
LEXO PA REKLAMA!

SHKARKO APP

App Store
Google Play

Paralajmëron Prishtina zyrtare: Vulin do të arrestohet nëse hyn në Kosovë

28 Qershor 2018, 08:51, Aktualitet CNA

Ministri serb i Mbrojtjes, Aleksandar Vulin, nuk ka leje të hyjë në Kosovë për të marrë pjesë në festën e Vidovdanit. Një gjë të tillë ia ka refuzuar Ministria e Jashtme

E nëse Vulin tenton të hyjë në territorin e Kosovës ilegalisht, atëherë Policia e Kosovës do ta zbatojë ligjin, raporton express.

Kështu ka shkruar në një postim në rrjetet sociale këshilltari i Pacollit, Jetlir Zyberaj.

Ai madje ka thënë se edhe partnerët ndërkombëtarë të Kosovës janë të informuar për të gjitha veprimet që do t?i ndërmarrë Kosova.

?Secili provokim që mund të bëhet, pasojat do t’i bartë Beogradi ngase provokime të tilla i bën qëllimshëm. Partnerët ndërkombëtarë janë të njoftuar për secilin veprim tonin. Përtej konspiracioneve që rëndom prodhohen, pastaj është shumë e qartë se futja ilegale e kujtdo në territorin e Kosovës, nënkupton zbatim të ligjit nga policia e Kosovës?, ka shkruar Zyberaj.

Njësoj situata ka qenë edhe para disa muajsh kur Gjuriqit i ishte ndaluar hyrja në Kosovë. Ai kishte vendosur të hyjë ilegalisht, e më pas ishte arrestuar nga Policia e Kosovës.

Ndryshe në orët e mëngjesit forca të shumta të Policisë janë nisur për në Veriun e Mitrovicës.





Lajmet e fundit nga