web counter
LEXO PA REKLAMA!

SHKARKO APP

App Store
Google Play

Braktisën Kryemadhin/ Zbulohet arsyeja e largimeve nga LSI

27 Qershor 2018, 18:49, Aktualitet CNA

Lëvizja Socialiste për Integrim kohët e fundit është përballur me një seri largimesh të këshilltarëve, gjithashtu edhe të deputetit, Ribert Bitri.

Shpesh këto largime janë komentuar se ishin pasojë e keqmenaxhimit të partisë nga kryetarja Monika Kryemadhi.

Por, ky fakt është komentuar nga deputeti i LSI, Nasip Naço në një intervistë për CNA.al.

Naço ka thënë se çdokush është i hapur të ndjekë qëllimet e veta, por ka thekuar se shpesh këto largime vijnë si pasojë e presionit që mazhoranca u bën atyre dhe afërmve të tyre në administratë.

Pjesë nga intervista:

CNA.al: LSI është shoqëruar herë pas here me largime këshilltarësh, por edhe të një deputeti, Robert Bitri. Pse po ndodh kjo në LSI? Ka lidhje kjo me veprimet e Kryemadhit?

Nasip Naço: Largimi i 1,2,3,5 apo 10 këshilltarëve nuk e trondit LSI-në. Gjithësecili është i hapur që të ndjekë qëllimet dhe interesat e veta politike. Në momente të caktuara ka dhe njerëz të dobët, të dobët domethënë që shohin interesin e tyre personal, më saktë presionet e shumta që bëhen nga mazhoranca në vendet e punës me të afërmit e tyre. Kur dhe ne si deputetë jemi në presion nuk na kanë lënë asnjë person në administratë.

Personalisht, janë me dhjetëra miq dhe persona të mi të familjes që janë hequr nga administrata. E kemi kthyer në çështje personale. Kjo është presioni që bën mazhoranca dhe mendon që do ti nënshtrojë një pjesë të anëtarëve simpatizantë të LSI-së, duke arritur qëllimin me gishtat e dorës, por nuk mendoj se kjo është ideja më e mirë që të ndjekë mazhoranca ndaj një pjese të opozitës. /CNA.al





Lajmet e fundit nga