E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Nobelisti shqiptar, Ferid Murad, në Univeristetitn e Tetovës

22 Qershor 2018, 15:32, Aktualitet CNA

Në Universitetin e Tetovës filluan punimet e Konferencës IV Shkencore Ndërkombëtare të Fakultetit të Shkencave të Zbatuara si dhe Konferencës II Shkencore Ndërkombëtare të Fakultetit të Shkencave Matematike-Natyrore. Në hapjen solemne të këtyre konferencave i pranishëm ishte edhe nobelisti, laureati i titullit Doctor Honoris Causa i Universitetit të Tetovës (2012) z. Ferid Murad.

Sikurse raportojnë mediat maqedonase në gjuhën shqipe: punimet e konferencës i shpalli të hapura Rektori i Universitetit të Tetovës Prof. Dr. Vullnet Ameti.

?… Arritjet dhe sukseset e nobelistit, Prof. Dr. Ferid Muradit, kontributi i tij i gjithanshëm, puna kërkimore-shkencore, veprimtaria profesionale, aplikative dhe publicistike, vlerat etike, puna hulumtuese dhe zbulimet shkencore në fushën e shkencave të mjekësisë, humanizmi, roli novator dhe rezultatet e suksese të tjera të panumërta e bëjnë krenarë komunitetin akademik, opinion mbarëbotëror, por mbi të gjitha neve që krenohemi për origjinën e tij shqiptare? , tha, ndër të tjera Prof. Dr. Vullnet Ameti.

?Kur e mbarova kolegjin, fillova në një projekt në universitetin e Klivlendit, në një program studimor të kombinuar. Fillova një projekt hulumtues me mentorin tim në departamentin e farmakologjisë, një formulë të metabolizmit për të nxitur tretjen e glukozës ne mëlçi. Projekti zgjati 7 vjet në departamentin e farmakologjisë dhe biologjisë, duke influencuar formimin e këtij kumtari ndërqelizor. Në kohën time ky lloj hulumtimi nuk ishte shume i popullarizuar, por e kuptova se ishte shume i rëndësishëm. Ishte një hulumtim me rrezik të lartë dhe shumë interesant. Nga ky hulumtim e zbulova një kumtar oksidi nitrik, me aplikimin e te cilit u prodhuan barna te shumta për të gjitha llojet e sëmundjeve. Këto projekte hulumtuese rezultuan me mbi 150.000 hulumtime te mirëfillta ne mjekësi dhe biologji. Ky element kimik gjithashtu mund te përdoret edhe te sëmundjet kardiovaskulare. Kur fillova me hulumtimet e mia shume njerëz mendonin se nuk është e rëndësishme ajo qe bëja, por rezultoi se ishte diçka shume e rëndësishme dhe uroj që e dhe juve t?ju ndodhë një gjë e tillë?, kujtoi nobelisti Ferid Murad.

Në konferencë u promovuan edhe numrat 3 dhe 4 të Revistës së Fakultetit të Shkencave Matematike-Natyrore dhe numrat 5 dhe 6 të Revistës së Fakultetit të Shkencave të Zbatuara JAS SUT (Journal of Applied Sciences ?SUT).