E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Raporti i KE për liberalizimin e vizave të kosovarëve/ Kush pritet të jetë kundër

22 Qershor 2018, 15:05, Aktualitet CNA

Ditën e martë, ose të enjten e ardhshme pritet të publikohet raporti i Komisionit Evropian për përmbushjen e kriterit të fundit për liberalizimin e vizave për Kosovën.

Njohës të integrimeve thonë se edhe nëse KE-ja vlerëson se Kosova ka përmbushur kriterin e luftimit të krimit të organizuar e të korrupsionit dhe rekomandon heqjen e vizave kosovarët mund të mbeten pa liberalizi gjatë këtij viti. Kjo pasi ata vlerësojnë se disa shtete të rëndësishme si Franca, Gjermania, Holanda e Suedia janë të rezervuara në këtë proces dhe mund ta bllokojnë vendimin në Këshill të Ministrave, shkruan sot gazeta “Zëri”.

Njohësi i integrimeve evropiane, Taulant Kryeziu, ka thënë për ?Zërin? se është bërë pak punë në luftën kundër krimit të organizuar dhe të korrupsionit të nivelit të lartë. E megjithatë Kosova do të duhej ta fitojë liberalizimin e vizave për hir të qytetarëve e jo të kësaj klase politike.

Kryeziu ka thënë se pret që rekomandimi i KE-së të jetë pozitiv, por disa shtete të fuqishme mund të dalin kundër heqjes së vizave për Kosovën.

?Sa i përket raportit dhe votimit te tij, pres që Komisioni Evropian të bëjë rekomandimin pozitiv. Sidoqoftë, pres një rezistence të fuqishme të vendeve anëtare, në veçanti të shteteve si: Gjermania, Franca, Suedia dhe Holanda. Çështja e migrimit sot është shndërru në çështje kryesore të diskursit politik dhe publik në vendet e BE-së. Në vendin më të fuqishëm si Gjermania, ne po shohim një tendencë ku çështjet e migrimit mund potencialisht edhe të kolapsojnë koalicionin qeverisës në Gjermani?, ka vlerësuar Kryeziu më tej.

Në fund ai ka thënë se Kosova ka gjasa shumë të vogla për të siguruar liberalizimin e vizave këtë vit. Nëse kjo ndodh do të jetë një mesazh i qartë dhe i fuqishëm i BE-së për klasën politike në Kosovë për të reflektuar në drejtim të një qeverisje në të mirë të qytetarit, ku sundimi i së drejtës është kryefjala e çdo gjëje.