E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënua këtë të enjte në Lozhan të Ma...

Dhunimi i të riut në Komisariatin e Korçës/ Ekspertiza jep rezultatet

20 Qershor 2018, 15:07, Aktualitet CNA

Ekspertiza ka zbardhur rezultatet për të riun Enea Ftoi, i cili humbi jetën në ambientet e paraburgimit të komisaiatit të Korçës, si pasojë e dhunimit, sikurse u raportua në medie.

Lajmi është publikuar në faqjen zyrtare të Policisë së Shtetit.

?Ekspertiza mjeko-ligjore doli në konkluzionin se ndaj tij, nuk është ushtruar dhunë?, shkruhet në njoftim.

Zv.ministrja e Brendshme, Romina Kuko, zv.drejtorja e Policisë së Shtetit, Aida Hajnaj dhe Drejtorja e Shërbimit të Çështjeve të Brendshme dhe Ankesave,Anila Trimi,ishin në familjen e të riut, Enea Ftoi për të oftuar mbështetjen e tyre.

Kujtojmë këtu se i riu Enea Ftoi është shoqëruar në Komisariatin e Korçës nën akuzën e vjedhjes, por më pas është dhunuar.

Familjarët e të riut pretendojnë se Enea është dhunuar nga oficerë të Komisariatit.

Njoftimi i plotë:

Korçë ? I riu nuk humbi jetën si pasojë e dhunës. Kuko: Policia dhe pushteti vendor, mbështetje për familjen e të ndjerit

I riu E. F, i cili ishte shoqëruar në Komisariatin e Korçës si i dyshuar për vjedhje, nuk ka humbur jetën si pasojë e dhunës së Policisë. Ekspertiza mjeko-ligjore doli në konkluzionin se ndaj tij, nuk është ushtruar dhunë.

Zv.ministrja e Brendshme Romina Kuko, zv.drejtorja e Policisë së Shtetit Aida Hajnaj dhe Drejtorja e Shërbimit të Çështjeve të Brendshme dhe Ankesave Anila Trimi ishin në familjen e të ndjerit, për të ofruar mbështetje dhe ndihmë, në bashkëpunim me pushtetin lokal.

?Natyrisht është një humbje jete, e kjo humbje dhe dhimbja për familjarët është shumë e madhe. Ne i kemi qëndruar pranë dhe do të vazhdojmë t?i qëndrojmë pranë familjarëve të Enea Ftojit. Jemi në komunikim të vazhdueshëm me pushtetin vendor për të parë mundësinë e mbështetjes sociale gjithashtu të familjes së E. F. Në të njëjtën kohë jemi duke komunikuar vazhdimisht dhe me shërbimin social shtetëror për të parë çfarëdolloj ndihmese që mund t?i ofrojmë kësaj familjeje? u shpreh zv.ministrja Kuko.

Drejtorja e SHÇBA konfirmon përfundimet e ekspertizës. ?Sot është e provuar shkencërisht nga Instituti i Mjekësisë Ligjore që ndaj shtetasit E.F nuk është ushtruar dhunë fizike nga punonjësit e Policisë së Shtetit. Ne do të vazhdojmë hetimet e mëtejshme në lidhje me këtë rast?, theksoi Anila Trimi.

?Ne nuk kemi dashur të dalim në konkluzione të cilat janë të pabazuara shkencërisht. Sot, siç e përmendi edhe Drejtoresha e Përgjithshme e SHÇBA-së, Policia e Shtetit shkarkohet nga përgjegjësia e ushtrimit të dhunës fizike ndaj shtetasit E. F. Pavarësisht se ky rast nuk rezultoi të kishte ushtrim dhune, ne jemi të vendosur që në organizatën e Policisë së Shtetit, respektimi dhe garantimi i të drejtave të njeriut të respektohet me përpikëri nga çdo punonjës i Policisë së Shtetit?, shtoi ndër të tjera zv.ministrja e Brendshme.

Gjatë takimit që zv.ministrja Kuko dhe Drejtoresha e SHÇBA Trimi zhvilluan me strukturat e Drejtorisë Vendore të Policisë në Korçë u diskutua për prioritet e Ministrisë së Brendshme dhe Policisë së Shtetit siç janë lufta ndaj kultivimit të bimëve narkotike, parandalimi i dhunës në familje si dhe sjellja e punonjësve të policisë sipas kodit të etikës. /CNA.al